“Spiunia” ruse që u kap në Gramsh për New York Times: Ish-bashkëshorti im ka punuar për "Wagner"

New York Time i ka kushtuar një reportazh dy rusëve dhe ukrainasit që u arrestuan në Shqipëri  pasi u kapën pranë ish-uzinës ushtarake në Gramsh.

Blogerja ruse, 34-vjeçare Svetlana Timofeyeva, i mohon akuzat për spiunazh duke thënë se ndodhej në Gramsh si turiste dhe jo për të nxjerrë sekrete shtetërore. 

Duke shtuar se veprimtaria e tyre ishte një përpjekje për të ndihmuar në mbrojtjen e trashëgimisë kulturore  në Shqipëri.

Gjithashtu ajo tregoi për News York Times, se ish bashkëshorti i saj ka punuar fotograf për grupin famëkeq ushtarak "Wagner". Ndërsa ajo vetë kur jetonte në Moskë punoi me ministrinë e Kulturës dhe jo në inteligjencën ruse. 9 muajt në burg i kaloi duke mësuar shqip dhe vizatuar male. Gjithashtu shton se shpreson shumë të eksplorojë Shqipërinë dhe të shoh atraksione te saj.

Ndërkohë grupi ndodhet në një "rrëmujë ligjore", pasi Moska ka bërë kërkesë për ekstradimin e saj pasi ka hyrë në mënyrë të paligjshme në një objekt nëntokësor ushtarak në vitit 2018. Por Timofeyeva ekstradimin e quan hakmarrje pasi është rreshtuar kundra luftës në Ukrainë.

Ndërsa Mikhail Zorin gjysmë ukrainas është i vetmi në arrest shtëpie. Ai ka pranuar që spërkati me piper rojet e uzinës së Gramshit pasi ata iu afruan dhe më vonë gjatë marrjes në pyetje nga policia tha se ai ishte një agjent rus.

"E pranova pasi isha i detyruar", shprehet Zorin i cili ishte student në Pragë para se të udhëtonte për në Shqipëri.

Ai gjithashtu thotë se kur të lirohet nuk do të kthehet në shtëpi nga frika se mos e rekrutojnë dhe e dërgojnë të luftojë.

Zorin thotë se kishin zgjedhur uzinën e braktisur të armëve sepse dukej e shkatërruar, por pa e ditur se ishte një objekt ushtarak. Ai tregon se i'u afruan dy burra dhe ai nuk e kuptoi se ishin roje nga paniku nxori sprajin me piper qe e mbanë me vetë në rast emergjencash.

Gjatë marrjes në pyete studenti tregon se oficerët e akuzuan se ishte spiun rus, pretendon se e kërcënuan dhe e rrahën dhe i ushtruar presion. Nga frika se mos i ndodhte diçka më e keqe, ai shpiku historinë: se agjencia e inteligjencës ruse i kishte kërkuar të spiunonte në Shqipëri.