Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Stoku në gjykata, drejtuesja e zyrës së KiE dhe Wisner kritikë: Vonesë e drejtësisë për qytetarët

Politiko 20 Maj 2024, 11:17

Stoku në gjykata, drejtuesja e zyrës së KiE dhe Wisner

Stoku i dosjeve gjyqësore në Shqipëri vijon të mbetet problem shqetësues për drejtësinë. Qytetarët mbeten pa zgjidhje teksa ende në dyert e gjykatave.

Drejtuesja e zyrës së Këshillit të Evropës, Giulia Re, gjatë një konference të KLGJ, theksoi nevojën e vendit për të ulur numrin e çështjeve të prapambetur që sot, janë kyçur në sirtarët e gjykatave. Ajo shtroi nevojën për të rritur kapacitetin e profesionistëve dhe magjistratëve.

“Lidhja mes eficensës dhe uljes së dosjeve të prapambetura. Ende ka nevojë të çojmë më tej përpunimin e këtyre të dhënave në sistemin gjyqësor si statistika të përputhura me praktikën evropiane dhe që vlerëson backlogun. Këto shërbime, e vendosin qytetarin në qendër të vëmendjes dhe të gjitha këto na duhen, por po ashtu ka nevojë për ngritje kapacitetesh për profesionistët e drejtësisë dhe magjistratët për përdorimin efikas të mjeteve dhe instrumenteve të disponueshëm”, tha drejtuesja e zyrës KiE.

Kritik ndaj drejtësisë ishte edhe i Ngarkuari me Punë i ambasadës së SHBA në Tiranë, David Wisner, i cili tha se vonesa e zgjidhjes së çështjeve, është vonesë e drejtësisë për qytetarët.

Wisner theksoi se SHBA-të do të ndihmojnë në krijimin e reformave të suksesshme konform me Kushtetutën.

“Ju keni punë të vështirë dhe keni bërë punë fantastike por tani mbetet më shumë punë për të bërë. Në thelb të demokracisë e cila ofron diçka për njerëzit është angazhimi që ka për njerëzit. Kur flasim për çështjet gjyqësore të prapambetura, numri i çështjeve është vonesë e drejtësisë për qytetarët e zakonshëm. Kjo strategji që zhvilloni është angazhim për nevojat e qytetarqëve.

Zgjedhjet tuaja e vendosin sistemin e drejtësisë në themelet të forta. Është për t’u theksuar që disa prej hapave që keni ndërmarrë për të përmirësuar situatën kanë qenë të dhimbshme. Sepse Vettingu shkaktoi ndërprerje të punës por ishte i domosdoshëm. Tani është koha për hapa të ndërlikuar por të guxishëm. SHBA do t’ju ndihmojnë për të krijuar reforma të suksesshme për t’i harmonizuar me Kushtetutën. Ne vazhdojmë të nxisim më shumë bashkëpunim ndërmjet gjithë grupeve të interesit që është kritik. Vazhdoni të punoni për të gjetur zgjidhje, jam besimplotë që do punoni për një të ardhme më të mirë”, u shpreh Wisner.