“Vdekjet e tepërta nga Covid-19”, dyshime për mostransparencë nga qeveria. Prespektiva “e errët” e popullsisë në Shqipëri

Numri i vdekjeve të tepërta gjatë pandemisë ka vazhduar të rritet, me rreth 10,000 vdekje më shumë se zakonisht të raportuara në vitin 2021. Vdekjet tejkaluan lindjet për herë të parë në dekada.

Në vitin 2020, qeveria raportoi 1315 vdekje nga COVID-19, duke lënë një tepricë prej 4700 vdekjesh të tepërta më shumë se sa pritej. E njëjta tendencë u vërejt në vitin 2021.

Sipas qeverisë, 2031 shqiptarë kanë vdekur në vitin 2021 nga COVID-19. Megjithatë, të dhënat e INSTAT tregojnë rreth 10 mijë vdekje të tjera, mbi sasinë e parashikuar. Kjo është një rritje prej 40% e të dhënave nga vitet para pandemisë.

Qeveria shqiptare është kritikuar vazhdimisht për aftësitë e saj të ulëta testuese dhe për të diagnostikuar në mënyrë adekuate ata me COVID-19. Për më tepër, shumë qytetarë refuzuan të shkonin në spital nga frika dhe zgjodhën të trajtoheshin në shtëpi.

Qeveria ka qenë gjithashtu jotransparente me mënyrën se si raportohen vdekjet nga COVID-19. Nuk dihet se si i klasifikojnë vdekjet nga COVID-19 dhe ministria nuk i është përgjigjur pyetjeve për këtë çështje.

Të dhënat tregojnë se numri i të vdekurve nga COVID-19 në Shqipëri është dukshëm më i lartë se sa raportohet zyrtarisht nga qeveria, në rreth 15,000.

Popullsia e Shqipërisë ka dëshmuar një rënie të mprehtë gjatë 30 viteve të fundit për shkak të rënies së nivelit të lindjeve dhe emigrimit masiv. Me fjalë të thjeshta, më shumë njerëz po largohen, duke rezultuar në plakje të popullsisë, më shumë vdekje dhe mungesë të lindjeve për të zëvendësuar popullsinë.

Dhjetëra mijëra shqiptarë largohen çdo vit nga vendi, qoftë me leje pune dhe qëndrimi, qoftë nëpërmjet aplikimeve për azil.

Raporti i OKB-së për Perspektivat e Popullsisë Botërore të publikuar në 2019 zbuloi se popullsia e Shqipërisë mund të bjerë në vetëm 512,000 në 80 vitet e ardhshme.

Me një popullsi prej rreth 2.8 milion tani, në skenarin më të mirë, Shqipëria pritet të ketë rreth një milion më pak deri në vitin 2100 me vetëm 1.9 milion.

Varianti i mesëm i perspektivës së OKB-së, tregon vetëm 1 milion shqiptarë deri në vitin 2100. Në skenarin më të keq, vetëm rreth 512,000 shqiptarë do të mbeten. Të paktën 60% e popullsisë dëshiron të largohet nga vendi.

Burimi: Euroactiv