Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Task Forca veproi në mënyrë selektive"/ Bushati: SPAK-u mashë e qeverisë!

Politiko 26 Qershor 2025, 21:33

"Task Forca veproi në mënyrë selektive"/ Bushati:

Analisti Andi Bushati, e ka cilësuar "Task Forcën" e ngritur për garantimin e zgjedhjeve në 11 Majit si një dështim total.

Në një intervistë të dhënë për Syri Tv, Bushati thotë se Task forca u ngrit thjesht për të krijuar ndjesinë e një barazie që në fakt nuk ekzistonte, pasi në realitet, zgjedhjet ishin thellësisht të pabarabarta dhe të manipuluara nëpërmjet përdorimit të administratës publike, blerjes së votës dhe shkeljeve të tjera të rënda.

Bushati theksoi se SPAK ka vepruar në mënyrë selektive, duke goditur vetëm kundërshtarët e kryeministrit Edi Rama, dhe duke injoruar qëllimisht prova të qarta për krime zgjedhore, si vjedhja e të dhënave të qytetarëve apo blerja e votave në Elbasan.

Ai theksoi se besimi i çdo qytetari tek një prokurori e pavarur tashmë është rrënuar, duke deklaruar hapur se “më 11 maj nuk pati zgjedhje, por votime” një farsë demokratike e drejtuar dhe kontrolluar nga pushteti.

Pjesë nga intervista:

Task Forca e famshme ishte një dështim, për të shkuar paralel me një sensacion publik që këto zgjedhje ishin të pabarabarta, u përdor administrata, u ble dhe manipulua vota. SPAK-u ka goditur në këto zgjedhje në një farë mënyre vetëm kundërshtarët e Ramës. Nëse ka pasur njerëz, idiotë të dobishëm që deri dje kanë besuar te SPAK-u, pas 11 majit SPAK-u ua hoqi mundësinë edhe këtyre të vazhdojnë e të besojnë te një prokurori e pavarur.

S’është çështje statistike dhe numri. SPAK-u ka prova që krimet zgjedhore i ka çuar në prokuroritë e tjera. Ka prova që vjedhjen e të dhënave personale të 900 mijë qytetarëve nga PS, s’e ka hetuar. E ka me prova që blerjen e votave në Elbasan, me karta identiteti dhe para të gjetura në makinë, e ka anashkaluar.

E shkuara e SPAK-ut na tregon edhe të tashmen që asnjë krim zgjedhor real nuk hetohet. Ka pasur dhjetëra akuza për Elvis Roshin, vetëm kur Roshi tradhtoi Ramën dhe kaloi me opozitën, atëherë u bë subjekt.

SPAK-u në këto zgjedhje ka qenë një mashë e qeverisë dhe për ata që kishin një iluzion, ky iluzion është shuar. Më 11 maj s’ka pasur zgjedhje, por ka pasur votime. Deklaratat e Celibashit s’e provojnë atë që them unë, janë shkeljet më të vogla, apo maja e ajsbergut.

Pavarësisht se është një krim i rëndë, përdorimi i administratës është një nga fenomenet më të lehta të zgjedhjeve. Këtu është manipuluar vota. Fakti që SPAK-u kishte dosjen e troplinëve dhe vendosi t’i hetojë pas zgjedhjeve, është treguesi më i mirë i asaj që ka ndodhur.

Kur kritikohen zgjedhjet për reformën zgjedhore, është refreni më qesharak që e dëgjoj prej 30 vjetësh. Ne s’e kemi problemin te reforma. Me këtë Kod Zgjedhor që kemi sot kemi prodhuar rotacion. E keqja s’është te formulimi i ligjit, por te shkelja e tij”.