Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Të armatosur brenda një lokali, 14 të arrestuar në Elbasan, sekuestrohen municione dhe uniforma policie

Politiko 14 Tetor 2025, 11:49

Të armatosur brenda një lokali, 14 të arrestuar në Elbasan,

Një operacion policor në Elbasan ka vënë në pranga 14 persona, të cilët u arrestuan në flagrancë në një lokal në Bradashesh.

Të arrestuarit, me precedent kriminal të theksuar në fushën e krimeve kundër personit dhe në fushën e narkotikëve, si dhe me rrezikshmëri të lartë shoqërore, u kapën me armë, municione luftarake, mjete të ftohta, dhe uniforma policie.

Konkretisht, janë arrestuar: E. T., 39 vjeç, H. M., 25 vjeç, A. K., 49 vjeç, M. S., 47 vjeç, B. M., 53 vjeç, J. M., 30 vjeç, A. D., 49 vjeç, E. D., 29 vjeç, banues në Tiranë;

-T. Z., 52 vjeç, S. M., 46 vjeç, E. C., 36 vjeç, E. C., 32 vjeç, banues në Elbasan, B. H., banues në Itali dhe një 17-vjeçar (djali i shtetasit T. Z.).

“Gjatë kontrollit në ambientet e lokalit u gjetën 3 armë zjarri dhe municion luftarak. 

Në vijim, gjatë kontrollit në banesat e këtyre shtetasve, u gjetën elektroshot (dorezë neuroparalizuese), 4 radio si të Policisë, jelek me mbishkrimin “Policia”, send në formë pistolete, sinjalizues (send metalik në formë pistolete), thikë, shkop metalik, shuma parash, 4 automjete , 13 celularë dhe DVR.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprat penale "Prodhimi dhe mbajtja pa leje e armëve luftarake dhe municionit", "Kundërshtimi i punonjësit të policisë së rendit publik", "Moskallëzimi i krimit", "Veprime që pengojnë zbulimin e së vërtetës", "Përkrahja e autorit të krimit", "Mbajtja pa të drejtë e uniformës" dhe "Prodhimi, mbajtja, blerja apo shitja pa leje e armëve të ftohta", të kryera në bashkëpunim”, njofton policia.

Të fundit