Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Të hënën nis shkolla, Tirana edhe këtë vit mësim me turne nën masat anti-Covid

Politiko 24 Shtator 2021, 19:59

Të hënën nis shkolla, Tirana edhe këtë vit mësim

Ndërsa shifrat e shkaktuara nga pandemia e Covid-19 sa vijnë e po përkeqësohen dita ditës, ka bërë që ministria e Arsimit të vendosë rikthimin e skenarëve të vitit të shkuar akademik për mësimin me turne.

Prej datës 27 shtator pritet që nxënësit të rikthehen zyrtarisht në shkollë, por në klasa do të ulen sërish nën rregullat e pandemisë dhe me orë të shkurtuara mësimore.

Në këto kushte, drejtuesit e shkollave kanë njoftuar së fundmi prindërit se nga e hëna mësimi rikthehet sërish me turne.

Mësimi do të jetë i reduktuar, do zhvillohen jo më shumë se katër orë 30 minutëshe në ditë dhe ato pa ndërprerje 5 minutëshe dhe as pushimin e gjatë 25 minutësh.

Drejtoresha e Arsimit parauniversitar Zamira Gjini deklaroi për ABC se janë 300 shkolla në vend që do të zhvillojnë mësimin me dy turne.

“Skenari i mësimit me turne do të bëhet në shkollat që kanë numër të madh nxënësish. Janë rreth 1200 shkolla që do e zhvillojnë mësimin me orë normale dhe me një turn. Janë rreth 300 shkolla që do të zhvillojnë mësimin me dy turne. Dhe në orë mësimore jo 45 minuta por 25 minuta për shkak të numrit të madh të nxënësve nëpër klasa”, deklaroi Gjini.

Në klasë nuk do të ketë më shumë se 10 deri 15 nxënës ose një e treta e numrit mesatar të nxënësve që ka për klasë. Kështu nëse një klasë ka 45 nxënës, krijohen 3 grupe me nga 15 nxënës ose një nxënës për bankë. Ndërkohë, nxënësit në grupe ndahen sipas germës së parë të emrit. 

Ndërkohë, ministrja e Shëndetësisë dhe Mbrojtjes Sociale, Ogerta Manastirliu bëri me dije se ditën e hënë hyn në fuqi urdhri për paraqitjen e certifikatës së vaksinimit nga personeli arsimor në të gjitha shkollat e vendit.  

Të fundit