Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Teatri u shemb, çfarë kërkon Aleanca? Kalaja: Kauza më e fortë se kurrë, u provuan akuzat tona për Lleshajn e Maznikun

Politiko 18 Janar 2021, 22:28

Teatri u shemb, çfarë kërkon Aleanca? Kalaja: Kauza më e

Edhe pse Teatri Kombëtar u shemb, Aleanca për Mbrojtjen e Teatrit vijon aktivitetin e saj.

Adriana Kalaja, aktiviste dhe avokate e Aleancës, thotë në PolikOn se përkundër shembjes së godinës kauza mbeti më e fortë se kurrë.

Kalaja: Ne besojmë shumë fort që megjithëse Rama atë tentoi, prishja që bëri në mënyrë kriminale e teatrit në 7-8 maj, ishte përpjekja e fundit për të shuar të vetmen protestë që rezistoi në Shqipëri. Edhe prishja e godinës nuk e zhbëri kauzën por mendoj që e bëri më të fortë. Kauza për mbrojtjen e Teatrit nuk është thjesht ajo godina edhe pse brenda ka shumë. U them faleminderit gjithë opozitës që na mbështeti, ka pasur edhe funksionarë të PS që na kanë mbështetur dhe janë përndjekur me shkarkime nga puna. Arben Malaj i pari u hoq nga Bordi Mbikëqyrës i Bankës së Shqipërisë. Ne besojmë shumë në fitoren tonë dhe së dyti ne nuk e kthyem as në shoqatë dhe as fondacion.

Po cili është qëllimi i Aleancës tani që godina nuk është më?

Kalaja: Qëllimi ynë që unë mendoj se pothuajse ja kemi arritur është rindërtimi i teatrit aty dhe ashtu siç ishte. Gjithë procesi i transferimit të pronës dhe VKM-ja për prishjen e teatrit janë antiligjore, antikushtetuese dhe janë vepër penale.

Lidhur me këto shkelje, Aleanca ka depozituar edhe 8 kallëzime në SPAK. Për “PolitikOn” Nnë Rtv Ora, Kalaja tregoi si po vijon hetimi i tyre.

Kalaja: Kemi bërë 8 kallëzime penale, SPAK i ka regjistruar të gjitha. Kur ishim në kallëzimin e 6 që kishte të bënte me projektin ne kallëzuesit jemi marrë në pyetje nga SPAK dhe në dijeninë time SPAK po vazhdon me ritme shumë të forta, po grumbullohen të gjitha provat. Ne i kemi paraprirë pak në kohë ngjarjeve. Kemi kallëzuar penalisht ish-ministrin e Brendshëm Sandër Lleshaj dhe drejtorin e policisë Ardi Veliu sepse për ne prishja e teatrit me njerëz brenda dhe sjellja e forcave RENEA të armatosur në orën 4 të mëngjesit në ambjentet e teatrit ishte vrasje e mbetur në tentativë dhe ngjarjet e 8 dhjetorit vërtetuan katërcipërisht që fryma që përcillet në policinë e shtetit dhe Ministrinë e Brendshme është fryma e dhunës, fryma e presionit ndaj çdo protestuesi por mbi të gjitha këta pushtetarë në pozicionin e punës janë rrezik eminent për fshehjen dhe manipulimin e provave. Prova e dytë, unë e shikoj jo si sukses politik Mjaftin por dështim të politikës së re.

Është modeli më i keq që i sërviret të rinjve shqiptarë. Po marr vetëm një person, quhet Arbian Mazniku, ka funksionin aktual nënkryetar i bashkisë Tiranë dhe në 2004 bërtiste stop korrupsionit, gjuante dhe me vezë Kryeministrinë e kohës. Duke ecur në mënyrë të paligjshme, duke ngjitur karrierën me vepra korruptive, bëhet nënkryetar bashkie dhe në qershor të 2018 ky zotëria akomodohet në 2 dhoma me 900 euro dhoma të paguara nga një shoqëri në konflikt interesi. Ne kemi bërë kallëzim penal, nëse dot do të ishte dënuar nga gjykata, se e pushoi gjykata se tha nuk ka vepër penale, e kemi çuar dhe gjyqtarin në SPAK, nëse do ishte dënuar nuk do të kapardisej në krye të tavolinës në Dubai. Jo vetëm ai por dhe shumë zyrtarë të tjerë.