Tejkaluan shpenzimet në fushatën e 25 prillit, cilat janë partitë që KAS gjobiti me nga 5 mln lekë

Komisioni i Ankimeve dhe Sanksioneve ka gjobitur disa parti politike në Shqipëri. Sipas KAS, disa nga partitë politike janë sanksionuar me nga 500 mijë lekë të reja pasi tejkaluan shpenzimet në fushatën zgjedhore të 25 prillit 2021.

Mes partive të gjobitura janë PS dhe PD.

“Vendosjen e sanksionit administrativ në masën 5.000.000 (pesë milion) lekë, sipas nenit 173, pika 9, të ligjit 10019, datë 29.12.2008 “Kodi Zgjedhor i Republikës së Shqipërisë”, i ndryshuar” për subjektin zgjedhor Partia Socialiste e Shqipërisë.

Komisioneri ka kërkuar vendosjen e sanksionit administrativ ndaj subjektit zgjedhor Partia Socialiste e Shqipërisë për tejkalim të kufirit maksimal të shpenzimeve.

KAS-i çmon se kërkesa e Komisionerit duhet të pranohet dhe ndaj subjektit të vendoset sanksioni në masën 5 (pesë) milion lekë, për shkak se është vlerë më e lartë se sa diferenca midis vlerës së shpenzuar dhe vlerës maksimale të lejuar”, njofton KAS.  

Partitë që janë gjobitur:

Partia Socialiste;

Partia Demokratike;

Lëvizja për Zhvillim Kombëtar;

Lëvizja e Legalitetit;

Bashkimi Popullor i Pensionistëve Shqiptarë;

Nisma Thurje;

Bindja Demokratike;

Partia Socialdemokrate;

Balli Kombëtar;

Balli Kombëtar Demokrat.