Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Teknologjia e informacionit, KLSH: Sistemet e ISSH kanë nevojë për ndërhyrje

Politiko 20 Qershor 2023, 07:36

Teknologjia e informacionit, KLSH: Sistemet e ISSH kanë nevojë

Gjendja e sistemeve të teknologjisë së informacionit ka marrë rëndësi të veçantë në institucione sidomos pas ndodhisë së sulmit kibernetik vitin e shkuar.

Alarmi për rritjen e sigurisë por edhe garantimi i ruajtjes së të dhënave pas një ngjarjeje ka qenë i ngritur vazhdimit duke kërkuar përmirësime aty ku shihet e nevojshme.

Këtë herë një auditim i Kontrollit të Lartë të Shtetit i fokusuar tek teknologjia e informacionit në Institutin e Sigurimeve Shoqërore konstaton se ka nevojë për ndërhyrje në disa aspekte për të rritur sigurinë.

Kështu referuar auditimit KLSH vlerëson se për periudhën janar 2021-dhjetor 2022 vihen re disa mangësi.

Së pari sipas KLSH konstatohet se investimet në sistemet e informacionit nuk kanë zgjidhur problemet e sigurisë së informacionit, si dhe sigurimin e vazhdueshmërisë së biznesit.

“Zhvillimi i shërbimeve dhe infrastrukturës nuk është mbështetur në praktikat më të mira. Pajisjet fizike, programet softuerike të cilat ndërveprojnë në mënyrë që sistemet të operojnë, janë të pa përditësuara (në fund të jetës) e nuk ofrohet mbështetje nga prodhuesi. Nga auditimi i sistemeve kryesore, duke u bazuar në performancën e veprimeve me tregues si: koha e përgjigjes, koha e përpunimit, përdorimi i burimeve të sistemit, komentet e përdoruesve, rezulton se sistemet i përgjigjen me vonesë kërkesave të përdoruesve. Në gjykimin tonë, identifikimi dhe administrimi i elementëve kritikë në ofrimin e shërbimeve dhe garantimin e sigurisë së të dhënave, si dhe të vazhdimësisë në ofrimin e shërbimit nëpërmjet Teknologjisë së Informacionit është i pamjaftueshëm” thuhet në raportin e KLSH.

Një tjetër element që sillet në vëmendje është fakti që ISSH ende nuk ka kaluar strukturat përgjegjëse TIK tek AKSHI, si dhe të bëjë dorëzimin e Sistemeve dhe Infrastrukturës TIK ekzistuese nën administrimin dhe inventarin e AKSHI-t, së bashku me të drejtat dhe detyrimet juridiko-civile sipas përcaktimeve dhe afateve të vendosura në VKM Nr. 673, datë 22.11.2017, “Për riorganizimin e Agjencisë Kombëtarë të Shoqërisë së Informacionit”, i ndryshuar.

Lidhur me këto konstatime KLSh ka rekomanduar që të merren masa për të përmirësuar ato që mund të jenë pika të dobëta në gjendjen e sotme të sistemit. Po kështu në bashkëpunim me AKSHI-n, bazuar në rëndësinë që ka ofrimi i shërbimit pas një fatkeqësie, të ndërmarrin hapat e nevojshëm për ndërtimin e një qendre Business Continuity.

Drejtoria e Burimeve të Informacionit të marrë masa për kryerjen dhe testimin periodik të backup-it të të dhënave të sistemeve duke e dokumentuar procesin.

“Instituti i Sigurimeve Shoqërore, në bashkëpunim me AKSHI-n, të marrin masa për përditësimin dhe standardizimin e infrastrukturës IT, si dhe të monitorojnë sistemet që nuk përditësohen më për çdo tregues të mundshëm të shkeljeve të sigurisë ose dështimeve të sistemit”, thuhet në raport. Monitor