Tema shpik shkrimin për “reagimin e figurave të PD” kundër Berisha & LaCivita. Autorja nuk ekziston dhe teksti është prodhim i ChatGPT (i cili po vetë e quan të sajuar)

Politiko.al

Gazeta “Tema” e botuesit, shumë afër me Ramën dhe Veliajn, Mero Baze ka botuar një shkrim i cili shpreh zhgënjimin e “demokratëve që  nuk duan të identifikohen” për strategun e fushatës së PD, Chris LaCivita, dhe dështimin e fushatës, ndër të tjera për faj të tij dhe Berishës. Kureshtja e parë që të zgjon një artikull i tillë me autor të huaj është burimi: në cilën media të huaj e ka botuar autorja (e supozuar) Helent Bratt analizën mbi zgjedhjet në Shqipëri. Një kërkim në Google nuk jep asnjë referencë gazetareske që lidhet me një emër të tillë. Cilësimi si ‘analiste e cështjeve të Ballkanit” është një shpikje e Temës.  

Për një kërkim dhe shpjegim të detajuar Politiko.al i drejtohet ChatGPT (inteligjencës artificale) me pyetjen se ku është botuar fillimisht shkrimi dhe cili është autori?

Përgjigja nuk është shumë habitëse, por vetëm konfirmuese e dyshimit logjik dhe detajohet si më poshtë:

“Artikulli që përmendët, i cili përshkruan paqartësitë brenda Partisë Demokratike të Shqipërisë pas zgjedhjeve parlamentare të vitit 2025 dhe përfshirjen e konsulentit politik amerikan Chris LaCivita, duket të jetë një përmbledhje e përbërë nga burime të shumta. Ai nuk korrespondon me një botim të vetëm apo një autor të identifikueshëm qartë.

Elementë kyç të tregimit – si angazhimi i LaCivita-s, përpjekjet e mëdha për lobim dhe kritikat e brendshme pas zgjedhjeve – janë raportuar në media të ndryshme shqiptare. Për shembull, BalkanWeb dhe Top Channel kanë trajtuar rolin e LaCivita-s në fushatën e PD-së dhe vendimet strategjike të partisë (BalkanWeb, Top Channel).

Gjithashtu, vetë LaCivita është shprehur në disa intervista, përfshirë një me The New York Times, për rolin e tij dhe mendimet mbi situatën politike në Shqipëri (Euronews Albania).

Duke qenë se artikulli përmban informacion të mbledhur nga disa raportime dhe nuk citohet një burim i vetëm origjinal, ka gjasa që ai të jetë një përmbledhje e sintetizuar nga artikuj të ndryshëm gazetareskë.  

Bazuar në informacionin e disponueshëm, nuk ka prova të verifikueshme që një gazetare apo autore me emrin "Helen Bratt" ekziston, të paktën në lidhje me artikullin që përmendni.

Kërkimet e zgjeruara nëpër databaza të besueshme dhe media ndërkombëtare nuk nxjerrin asnjë rezultat për një gazetare me këtë emër.

Ekziston një "Helen Kruger Bratt" e listuar në IMDb, e njohur për punën e saj në prodhimin televiziv, përfshirë rolet si menaxhere prodhimi dhe ekzekutive në disa seriale televizive. Megjithatë, ajo nuk njihet si gazetare dhe nuk ka asnjë provë që të ketë shkruar ndonjë artikull në lidhje me politikën shqiptare apo Partinë Demokratike.

Duke qenë se emri “Helen Bratt” nuk del në asnjë burim të besueshëm, është e mundur që të jetë një pseudonim ose që artikulli nuk është shkruar nga një gazetar profesionist. Nëse keni ndonjë informacion tjetër mbi origjinën e artikullit, mund t’ju ndihmoj ta verifikojmë më tej.”

Cfarë qëllimi ka shkrimi? Qartësisht eksplorimin e mundësive të përcarjes në Partinë Demokratike dhe fymëzimin e zërave të pakënaqur nga rezultati që mund ta shohin Sali Berishën dhe strategun amerikan të zgjedhur prej tij si pjesën kryesore të humbjes. Pra, ravgimin nëpër shtigje të reja, që i interesojnë Ramës, se humbja nuk ka ardhur nga vjedhja, por nga paaftësia.

Ky alarm i duhet Ramës dhe mediave afër tij, sidomos pas fiaskos me votën e Diasporës, që rezultoi një manipulim i trashë. Është pra një përpjekje për të ndryshuar narrativën: problemi nuk është Rama që i vodhi, por Berisha me skuadrën që i humbi!