Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Tensionet pas ndeshjes Tirana-Zrinjeski Mostar, dy të plagosur, 25 të shoqëruar

Politiko 20 Korrik 2022, 09:35

Tensionet pas ndeshjes Tirana-Zrinjeski Mostar, dy të plagosur, 25 të

Tirana humbi dje 0 me 1 përballë HSK Zrinjeski Mostar në “Air Albania”. Pas përfundimit të sfidës, tifozët boshnjakë janë konfrontuar me Policinë e Shtetit.

Policia njofton se nga përplasja fizike ka mbetur i lënduar një efektiv dhe një tifoz, ndërsa 25 të tjerë janë shoqëruar në komisariat. Të plagosurit janë dërguar në spital për ndihmë mjekësore.

Policia sqaron më tej se nuk ka pasur të shtëna me armë.

“Më datë 19.07.2022, në stadiumin "Air Albania", pas përfundimit të ndeshjes Tirana-HSK Zrinjeski Mostar i Bosnje Hercegovinës, gjatë daljes së tifozëve, shërbimet e Policisë kanë ndërhyrë për të shoqëruar disa tifozë të ekipit të Bosnje Hercegovinës, të cilët gjatë zhvillimit të ndeshjes kanë hedhur sende të forta dhe lëndë piroteknike.

Gjatë momentit të shoqërimit të tyre, pjesa tjetër e tifozëve të këtij ekipi, ka kundërshtuar me forcë dhe me sende të forta punonjësit e Policisë, për të mos lejuar shoqërimin e tyre.

Shërbimet e Policisë, për të neutralizuar aktet e dhunshme të tifozëve, kanë përdorur gaz lotsjellës për t'i shpërndarë ata.

Si pasojë e akteve të dhunës nga ana e tifozëve, është dëmtuar një punonjës Policie si dhe një tifoz, të cilët ndodhen në spital, nën kujdesin e mjekëve, jashtë rrezikut për jetën.

Nga shërbimet e Policisë deri tani janë shoqëruar 25 tifozë.

Sqarojmë opinionin publik që nuk ka pasur të shtëna me armë dhe vijon puna për shoqërimin e personave të tjerë të përfshirë në akte të dhunshme ndaj punonjësve të Policisë.

Grupi hetimor nën drejtimin e Prokurorisë vijon punën për dokumentimin e plotë të rrethanave të ngjarjes”, njofton policia.

Të fundit