Tentoi të grabiste bankën dhe qëlloi me kallash, ja kush është autori

Policia ka reaguar në lidhje me tentativën e grabitjes ditën e sotme në një bankë në Tiranë.

Sipas informacionit paraprak nga Policia, rreth orës 11:15, në Rrugën e Kavajës, shtetasi Bardhyl Fusha rreth 58 vjeç, ka hyrë në ambientet e një banke me qëllim vjedhjen e saj dhe ka qëlluar me armë zjarri në dysheme.

Fatmirësisht, nga të shtënat nuk ka persona të lënduar. Gjithashtu, është sekuestruar arma e zjarrit e përdorur gjatë ngjarjes.

Njoftimi i policisë

Tiranë/Informacion paraprak

Rreth orës 11:15, në Rrugën e Kavajës, shtetasi B. F., rreth 58 vjeç, dyshohet se ka hyrë në ambientet e një banke, me qëllim vjedhjen e saj, duke qëlluar me armë zjarri, në dysheme. Nga të shtënat nuk ka shtetas të dëmtuar.

Shërbimet e Policisë kanë ndërhyrë menjëherë pas marrjes së njoftimit dhe kanë bërë të mundur kapjen e autorit të dyshuar në tentativë për tu larguar nga vendi i ngjarjes. Autori i dyshuar është shoqëruar në Komisariat.

Gjithashtu, është sekuestruar arma e zjarrit.

Në përfundim të veprimeve hetimore do të jepet informacion më i plotë për rastin.