Flash News

E-TJERA

Tentuan të trafikonin emigrantë/ Shkon në tre numri i të arrestuarëve, bie në pranga skafisti

Tentuan të trafikonin emigrantë/ Shkon në tre numri i të
Foto Ilustruese

Ka shkuar në 3 numri i personave të arrestuar, të cilët tentuan të çonin drejt Italisë 50 emigrantë sirianë dy javë më parë.

Policia e Vlorës bën me dije se është vënë në pranga  drejtuesi i mjetit lundrues.

Më herët është arrestuar pronari i një hoteli në Tiranë dhe pronari i një banese në fshatin Trevllazër, Vlorë. Ndërkohë që vijon puna për zbardhjen e plotë të tentativës për kontrabandimin e migrantëve në rruge detare.

Skafisti me një iniciale E.L. është 26 vjeç dhe banon në Vlorë. Kështu bënë me dije Policia, ndërsa shton se disa javë më parë, një gomone me 55 emigrantë në bord u shpëtua në mesnatë nga roja bregdetare shqiptare dhe italiane afër grykëderdhjes së lumit Vjosa.

Sipas dëshmive të emigrantëve, gomonia u ça nga dallgët dhe për pasojë një pjesë e tyre, kryesisht nga Siria, Irani dhe Egjypti, morën djegie në lëkurë në pjesë të trupit nga benzina që përplasej nga presioni dallgëve.

Emigrantët kanë dëshmuar se paguan nga 2 mijë deri në 4 mijë dollarë tek skafistët, që u kishin premtuar se do t’i dërgonin në Itali me jaht.

Ditari politik

Të fundit