Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

E-TJERA

Testi i vështirë i matematikës, QSHA i përgjigjet maturantëve: Nuk kishte asgjë jashtë programit

Politiko 12 Qershor 2021, 11:45

Testi i vështirë i matematikës, QSHA i përgjigjet

Dje është zhvilluar provimi i Matematikës për Maturën Shtetërore dhe maturantët janë shprehur se testi ka qenë i një niveli të lartë vështirësie.

Sot, Qendra e Shërbimeve Arsimore ka dalë sot në një deklaratë për mediat dhe në asnjë moment nuk kanë treguar mirëkuptim ndaj maturantëve, duke thënë se në tezën e provimit nuk kishte asgjë jashtë programit. Përfaqësuesja e QSHA-së tha se teza e provimit nuk kishte asnjë gjë jashtë programit mësimor, ndërsa shtoi se nxënësit e mirë nuk kanë pasur asnjë vështirësi.

Testi i vështirë i matematikës, QSHA i përgjigjet

Megjithatë, nxënësit janë shprehur të zhgënjyer nga formulimi i provimit të provimit të matematikës edhe pse në fakt maturantët e këtij viti kanë kaluar vështirësi më të mëdha se sa ata të vitit të kaluar - të cilëve iu hartua një provim më i lehtë për shkak të pandemisë.

Maturantët e këtij viti kanë bërë mësim online thuajse gjatë gjithë vitit dhe në rastet kur kanë shkuar në shkollë, orët kanë qenë nga 30 minuta. Përveç kësaj, kur prindërit kanë rezultuar pozitivë me Covid-19, nxënësit duhet të rrinin në shtëpi dhe nuk ka pasur praktika ndihmuese për këta nxënës (në rastet kur mësimi ka qenë vetëm në shkollë).

Por të gjitha këto rrethana, nuk kanë ndikuar në lehtësimin e hartimit të provimit.

“Nxënësit e mirë nuk kanë pasur vështirësi. Pjesën tjetër mund ta zgjidhnin me studim shenje, me grafik apo pikë provë. Nga korrigjimi do shohim se si kanë reaguar në këto teste. Pyetja me ekuacionin e drejtëzës ka ushtrime të tilla pa fund. Teza është e nivelit mesatar, nuk ka asnjë jashtë programit. S’ka asnjë gabim shkencor. Sa i përket asaj që thonë; e përkthyer. Tekstet janë të përkthyera. Polinomet janë ato që janë, nuk është çështje kopjimi dhe nuk janë të nivelit të Cambridge. Pasi kanë parë skemën e provimit do jenë qetësuar. Pastaj nxënës që kanë hyrë me mendimin që; ‘unë do kopjoj’, është gjë tjetër gjë kjo. Aty ka pasur ushtrime të nivelit edhe për nxënësit mesatar,” tha përfaqësuesja e QSHA-së.

Të fundit