Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

"Ishte provokim", si u prit protesta e shqiptarëve në Londër nga deputetët britanikë?

Politiko 13 Nëntor 2022, 11:40

"Ishte provokim", si u prit protesta e shqiptarëve në

Emigrantët shqiptarë protestuan dje në urën ‘Westminster” në Londër kundër deklaratave të Sekretares së Brendshme Suella Braverman, e cila i etiketoi shqiptarët si ‘kriminelë’ që emigronin drejt Britanisë për t’u bërë pjesë e bandave.

Mijëra protestues shqiptarë u mblodhën në Sheshin e Parlamentit ku mbuluan me flamurin kuqezi statujën e Winston Churcill. Më shumë se 1500 shqiptarë i bënë thirrje qeverisë që t'i respektojë ata si njerëz dhe të drejtat e tyre njerëzore, raporton The Mirror.

Mirëpo teksa eimgrantët shqiptarë kërkonin të drejtat e tyre, politikanët britanikë e panë protestën si një shenjë provokimi të qëllimshëm ndaj qeverisë, në një kohë kur veteranët e Forcave të Armatosura po përgatiteshin për detyrat e tyre të së Dielës së Përkujtimit.

Rruga e demonstruesve për në Downing Street u rrethua më pas nga policia.

Deputeti konservator Sir John Hayes tha për Mail Online: "Është fyese dhe tronditëse që në një kohë kur kujtojmë dy luftërat evropiane dhe konfliktet e tjera të shekullit të 20-të, këta protestues kanë shënjestruar një statujë të udhëheqësit tonë të madh të luftës Sir Winston Churchill. Kjo është thellësisht fyese ndërsa mblidhemi në përkujtim të të rënëve këtë fundjavë."

Një tjetër konservator, deputeti Tom Hunt, tha: "Nuk e di se si menduan se kjo do t'i bënte disi të dashur për njerëzit në këtë vend. Si mendonin ata që veshja e flamurit të vendit të tyre mbi një monument të një heroi kombëtar ishte asgjë tjetër veçse fyese, e tmerrshme dhe kundërproduktive ndaj asaj që ata donin të arrinin?”.

Protesta zgjati vetëm disa orë, ndërsa ran ë sy numri i pankartave me thëniet e veçanta: "Unë jam shqiptar, nuk jam kriminel, punoj shumë dhe paguaj më shumë taksa se gruaja e kryeministrit"; "Suella duhet të dërgohet në Ruanda"; "Suella përhap gënjeshtra si Cruella"; "Ne kemi nevojë që qeveria e Mbretërisë së Bashkuar të kërkojë falje".

Të fundit