The Sun infiltrohet brenda gomoneve me emigrantë shqiptarë drejt Britanisë, si funksionon skema

The Sun i ka kushtuar një tjetër shkrim shqiptarëve që shkojnë në rrugë ilegale në Britani, të cilët përbëjnë 40% të emigrantëve të paligjshëm dhe që kanë shqetësuar seriozisht autoritetet.

Media britanike shkruan se bandat përdorin TikTok-un për të gjetur “klientë” dhe marrin 4.5 mijë paund për person. Gjithashtu bëjnë me dije se trafikantët i bindin shqiptarët, duke iu thënë se 'francezët nuk do t'ju ndalojnë'.

Një gazetar i infiltruar ka zbardhur skemën se si funksionojnë bandat dhe zhvillohet kalimi i paligjshëm në kanaline La Manshit.

“Ne zbuluam llogari të shumta nga shqiptarët që sigurojnë kalim të sigurt me varkë të vogël apo edhe jahte luksoze , ndërsa përfshihet këshillim se si të kërkojnë azil. Duke i ofruar gazetarit një vend prej 4500 £ në një gomone, njëri prej  tyre u mburr: Francezët nuk do t’ju ndalojnë. Përkundrazi, ata do t’ju shoqërojnë të sigurt derisa të arrini në kufirin ujor të Mbretërisë së Bashkuar”, shkruan The Sun.

Gazetarit tone, i paraqitur si një emigrant shqiptar, iu tha më pas të kontaktonte një avokat pas mbërritjes në Britani.

Kontrabandisti shtoi në bisedën TikTok: Mund t’ju jap një numër avokatësh që kam përdorur për të afërmit e mi. Ata kanë arritur të sigurojnë dokumentacion (leje qëndrimi) për gjysmën e shqiptarëve në Londër.

I pyetur për fatin e të ardhurve të fundit, ai tha: “Tre muaj më parë një djalë u mbajt në paraburgim për një muaj, pastaj u lirua nga avokati i tij.

Ish-udhëheqësi i konservatorëve, Iain Duncan Smith tha se fluksi dëshmoi se njerëzit po vinin jo për të ikur nga lufta, por "me një biletë migrimi ekonomik" dhe po abuzonin me sistemin e azilit.

Një kontrabandist, i cili e quajti veten Gent dhe pretendonte se ishte një “zot” i biznesit të kontrabandës së qenieve ofroi një shërbim “më të sigurt” të jahteve luksoze në MB me 15,000 £ për person, shkruan The Sun.

“E kontaktuam nëpërmjet faqes Shqipëri-Angli. Ai na informoi dhe për kalime me varka të vogla ku tha: “Shqiptarë mos e vendosni veten në rrezik. Ne kemi një udhëtim me jaht me dhoma çdo fundjavë.

Një tjetër kontrabandist – i cili tha se jetonte në Birmingham – shpalli çmime më të ulëta të vendeve në një gomone drejt Anglisë, ku për dy personakostoja ishte 8,000 £” shkruan The Sun.

Llogaria @franc_gomone_angli1 – ka 1,819 ndjekës në TikTok dhe 6,937 pëlqime. Ajo promovon biznesin e saj me një sërë videosh që tregojnë emigrantë të ngjeshur në gomone. Njëri prej postimeve ishte me mbishkrimin: “Udhëtim sonte nga Calais dhe Dunkirk”.

Në një tjetër, që tregon emigrantët në një gomone, lexon: “Suksesi flet vetë. Djemtë arritën mirë në Londër sonte.”

Një e tretë thotë: “Udhëtoni çdo ditë. Ne marrim familje.”

Hetuesi ynë e pyeti kontrabandistin në bisedën TikTok nëse përpjekja e qeverisë për të dëbuar emigrantët në Ruandë , në Afrikën Qendrore, do të përbënte një problem.

Shqiptari iu përgjigj: “Jo, jo, mos u shqetëso. Nuk të dërgojnë atje. Kjo është anuluar. Ata do t’ju dërgojnë në një hotel. Pastaj prej andej ke mundësinë të shkosh sa herë të duash.”

I pyetur nga gazetari ynë se çfarë të thotë kur kërkon azil, kontrabandisti shtoi: “Duhet të gjesh një avokat kur të arrish në hotel. Do të keni mjaft kohë për të menduar për historinë tuaj dhe për të gjetur një avokat. Do të duhen shumë muaj për të bërë intervistën e parë sepse ka shumë njerëz radhë.

The Sun njoftoi TikTok-un për tre llogari kontrabandistësh të cilat ata thanë se i kishin “ndaluar përgjithmonë” nga faqja.

Gjigandi i mediave sociale tha: “Kjo përmbajtje nuk ka vend në TikTok. Ne nuk lejojmë përmbajtje që promovon kontrabandën e njerëzve.