“T’i bëjmë “presion” Europës më 11 maj!” duke zgjedhur sërisht Edi Ramën?!

Nga Irena Beqiraj

Përtej presionit të Trumpit , Europës i kanoset edhe një presion tjetër i papërballueshëm, ai i rizgjedhjes së Edi Ramës  në 11 maj !

Ndërsa presionit te parë edhe pse  vështirësisht, me kohën mund ti gjendet zgjidhja,  presionit te dytë  "bezdisjes nga Rama" vështirë se i gjejnë zgjidhje europianët! 

A ju kujtohet sesi në 2022 I ulur në gjunjë dukej sikur i thoshte  Kryeministrit te  Luksemburgut :

"Zoti krijoi gjithçka në përsosmëri, por unë dyshoj se kur Zoti të krijoi ty, Ai donte te dukej.  Do të isha i nderuar të dukesha edhe unë duke të bërë edhe ty timin".

Çfarë shfaqje! Si mund të mos jesh I sjellshëm me një burrë te gjatë  me hernie qe ulët në gjynjë?

Po në 2023 a ju kujtohet  përqafimi i Melonit ?! Ai përqafim i la pa frymë  të gjithë në atë shesh . Ndërsa populli për te mos ta harruar 'e skaliti" atë ditë vargje...

"Ish e enjte ajo ditë

Melonit ç’i panë sytë

se ç'ju hodh "Trimi" në grykë

Korba grua u çudit.

Nuk e priste "e gjora" grua

S'pipëtiu u hutua !

Seç u skuq e u bë prush

"Trimi ynë" e zuri ngushtë !

Ursula plakë i afrohet

I thotë ca fjalë që të qetësohet: 

"Je e re , por  do të mësohesh ,

Mbaj distancën që të mbrohesh !

Trimit ( Ramës) kur s'ja var njeri

Bën skena  të bjerë në sy"!

Megjithëse Meloni vendosi " të mos mbrohet". Përkundrazi per cdo  " përqafim në fragrancë"  kërkon një marrveshje në favor të saj si ajo e qendrave të emigrantëve në Gjadër!

Apo ndoshta e harruat  kur i vendosi liderët Europianë para Pikturës "Përdhunimi I Europës" duke i poshtëruar në emër të mikpritjes?!

Si popull gazdashës ne dhe mund të argëtohemi të qeshim me këto shfaqje.  Por nëse duam të futemi në Europë ka ardhur koha që  të jemi seriozë  edhe mbi te gjitha "të mëshirshëm" me liderat Europianë!