Tirana nën ‘ethet’ e finales/ Sot Roma dhe Feyenoord zbresin në ‘Air Albania’, formacionet e mundshme

Finalja e Conferene League luhet sot në stadiumin ‘Air Albania’, mes Roma dhe Feyenoord. Të dyja skuadrat kërkojnë titullin kampion.

Trajneri i Romës, Jose Murinho, u shpreh mjaft optimist për fitoren. Nisur nga një finale evropiane e luajtur në Shqipëri, Murinho u shpreh se fitorja e Romës nënkupton fitoren e një shqiptari, duke e adresuar në emër të Marash Kumbullës.

Teksa ende nuk ka një njoftim nga ekipi drejtues i të dyja skuadrave, kanë dalë edhe formacionet e mundshme me të cilatFeyenoord dhe Roma pritet të zbresin n ë fushë e 'Air Albania'.

Roma: Rui Patricio; Mancini, Smalling, Ibanez; Karsdorp, Oliveira, Cristante, Zaleëski; Pellegrini, Mkhitaryan; Abraham. Trajner: Jose Mourinho.

Feyenoord: Marciano, Geertruida, Trauner, Senesi, Malacia; Kokcu, Aursnes; Til; Nelson, Dessers, Sinisterra. Trajner: Arne Slot.

Rreth 70 mijë tifozë pritet që të jenë sot në kryeqytet, ndërsa një natë më parë tifozët e Feyenoord kanë shkaktuar trazira. Incidentet filluan që në orët e pasdites ku një 45-vjeçar shqiptar mbeti i plagosur pas përleshjes më disa tifozë holandezë.

Në orët e mbrëmjes, rreth 200 huliganë të Feyenoord u nisën drejt stadiumit ‘Air Albania’ ku ndodhej edhe një pjesë e tifozerisë së AS Roma. Efektivët e policisë ndërhynë për të kthyer prapa holandezët, po për shkak të dhunës së ushtruar nga tifozeria dy efektivë të uniformave blu mbetën të plagosur ndërsa disa tifozë u shoqëruan.

Pas tifozëve të Feyenoord edhe një pjesë e tifozerisë së Romës zbarkoi para Kryeministrisë.

Policia e Shtetit njoftoi se si pasojë e incidenteve të shkaktuara nga tifozët e të dy skuadrave, janë plagosur 10 efektivë. Ndërkohë janë shoqëruar në ambientet e policisë 60 tifozë, 48 shtetas italian dhe 12 holandez. 

Në kuadër të UECL, policia ka marrë masa për bllokimin e akseve rrugore në mënyrë që qarkullimi t’i dedikohet dy tifozerive, personave që kanë një biletë dhe urgjencave.

Harta e publikuar nga Policia e Shtetit tregon rrugët që janë të bllokuara ku nuk do të lejohet lëvizja e mjeteve, ndërsa ato me ngjyre të verdhë do të jenë vetëm për automjetet e personave që kanë një biletë.

Me ngjyre jeshile janë rrugët e aksesueshme nga stafi, tifozët dhe policia.

Më poshtë emrat e rrugëve të bllokuara në Tiranë:
Rruga e “Durrësit”
Rruga e “Kavajës”
Rruga “Myslym Shyri”
Rruga “Ibrahim Rugova”
Rruga “Abdi Toptani”
Rruga “Xhorxh Ë Bush”
Rruga “Abdi Toptani”
Rruga “Ismail Ndroqi”
Rruga “Luigj Gurakuqi”
Rruga e “Dibrës”
Rruga “Urani Pano”
Rruga “Dedë Gjo Luli”
BLV. Zogu i Parë
BLV. Bajram Curri
BLV. Gjergj Fishta
BLV. Zhan D’ark
BLV. Dëshmoret e Kombit
Rruga “Papa Gjon Pali II”
Rruga Leke Dukagjini
Rruga “Faik Konica”
Rruga “Dervish Hima”
Rruga “Asim Zeneli”
Rruga “Ismail Qemali”
Rruga “Mustafa Matohiti”
Rruga “Jul Variboba”
Rruga “Fatmir Haxhiu”
Rruga “Gjergj Filipi”
Rruga “Pjetër Bogdani”
Rruga “Nikolla Tupe”
Rruga “Brigada e VIII”
Rruga “Pashko Vasa”
Rruga “Çamëria”
Rruga “Ukraina e Lirë”
Rruga “Abdyl Frashëri”
Rruga “Skerdilajd Llagami”
Rrugë të kufizuara për emergjenca dhe autorizim:
Rruga e Rinasit
Rruga interurbane Durrës-Tiranë
Rruga Fushë Krujë-Vorë
Rruga Elbasan-Tiranë
Rruga Durrës-Tiranë, nga Ndroqi
Rruga “Dritan Hoxha”
Rruga “Teodor Keko”
Unaza e Madhe
Rruga e Elbasanit
BLV. Bajram Curri
BLV. Gjergj Fishta
Rruga “Muhamet Gjollesha”
Rruga “Sulejman Delvina”
Rruga “Asim Vokshi”
Rruga “Reshit Petrela”
Rruga “Ferit Xhajko”
Rruga Bardhyl
Rruga “Arkitekt Sinani”
Rruga “Sami Frashëri”
Rruga “Dëshmorët e 4 shkurtit”
Rruga e Barrikadave