Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Tiranë/ Konstatohet tjetër rast i kontrabandës, sekuestrohen 2 mijë litra naftë në një banesë

Politiko 14 Shtator 2022, 14:16

Tiranë/ Konstatohet tjetër rast i kontrabandës, sekuestrohen 2

Sekuestrohet një tjetër sasi karburanti kontrabandë në vendin tonë. Policia bën me dije se ka sekuestruar 2 mijë litra naftë.

Karburanti u gjet në banesat e shtatasit me iniciale B. S., i cili është arrestuar. Ai kishte përshtatur një ambient në banesë me një pompe karburanti dhe një depozite metalike, e cila ishte e mbushur me 2 mijë litra naftë.

Për tregtimin e naftës, B.S., kishte punësuar shtetasin me iniciale G. P., i cili tashmë është nën hetim.

Njoftimi i Policisë Tiranë:

Finalizohet operacioni policor i koduar “Diesel 2”. Operacioni, nga Seksioni për Hetimin e Krimit Ekonomik dhe Financiar në DVP Tiranë. Sekuestrohen 2000 litra naftë kontrabandë dhe një pompë karburanti. Vihet në pranga 1 shtetas dhe procedohet penalisht 1 tjetër.

Specialistët e Seksionit për Hetimin e Krimit Ekonomik dhe Financiar në DVP Tiranë, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës me mallra, bazuar dhe në informacionet e marra në rrugë operative, se një shtetas ushtronte aktivitet të paligjshëm në fushën e tregtimit të hidrokarbureve, në banesën e tij, në rrugën “Azem Galica”, organizuan dhe finalizuan operacionin policor të koduar “Diesel 2”.

Si rezultat i këtij operacioni u arrestua në flagrancë shtetasi B. S., si dhe u procedua penalisht shtetasi G. P., të dy banues në Tiranë.

Nga veprimet hetimore të kryera ka rezultuar se shtetasi B. S. ushtronte aktivitetin e paligjshëm të tregtimit të hidrokarbureve, në bashkëpunim me shtetasin G. P., që e kishte punësuar. Gjatë kontrollit në banesën e shtetasit B. S. u konstatua një ambient i përshtatur për vendosjen e një pompe karburanti dhe një depozite metalike, e cila ishte e mbushur me 2000 litra naftë, e dyshuar kontrabandë.

Të fundit