Topalli flet për gabimet e qeverisë Berisha: Ka pasur korrupsion më shumë në mandatin e dytë

Kryetarja e Lëvizjes për Ndryshim, Jozefina Topalli, njëherësh ish-kryetarja e parlamentit ka folur për gabimet e qeverisë ‘Berisha’ pjesë e së cilës ka qenë edhe vetë.

E ftuar në Open, Topalli deklaroi se nuk distancohej nga PD për të gjitha arritjet që vendi ka pasur gjatë kohës që ishin në qeveri.

“Në shëndetësi, qeveria ishte e detyruar për t’ia dhënë aleatëve, dhe të mbajnë përgjegjësinë për atë që bënë. Ne i jepnim një shumë të madhe buxheti, por është tjetër gjë sa punë bënë atë.

Ka pasur korrupsion më shumë në mandatin e dytë të qeverisjes. Nuk jam dakord as me mënyrën si jemi marrë me pronat, por jam shumë krenare që u futëm në NATO. Jam shumë krenare për shumë reforma të tjera që u morën në të mirë të interesit publik,” tha Topalli.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm