Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Trafik droge me mjete të modifikuara, çmontohet banda e drejtuar nga një shqiptar në Madrid

Politiko 12 Nëntor 2022, 10:12

Trafik droge me mjete të modifikuara, çmontohet banda e drejtuar nga

Një organizatë kriminale ndërkombëtare që dyshohet se merrej me trafik të heroinës është çmontuar në një operacion të përbashkët mes Policisë Kombëtare dhe Gardës Civile në Spanjë. 

Mediat vendase raportojnë se grupi operonte nga Madridi dhe A Coruña. Policia ka arrestuar të 11 anëtarët e tyre pas një hetimi të gjatë të nisur në fillim të këtij viti, kur agjentët zbuluan një burrë që shpërndante drogë në Galicia.

Më pas ata verifikuan se ky person kishte bashkëpunimin e më shumë njerëzve për ta shitur atë në pika të ndryshme në qytetin e A Coruña dhe zonën metropolitane të tij. Për më tepër, një grua e moshuar drejtonte një pikë shpërndarjeje në qendër të kryeqytetit Galician.

Trafikantët sipas autoriteteve përdornin makina të pajisura me ndarje të fshehura për fshehjen e droges. Pikërisht në korrik ata ndaluan një makinë, por ndarja ishte aq e fshehur sa u detyrua të drejtohej në Shërbimin e Mbikëqyrjes Doganore, e cila ka aparate me rreze X, për të lokalizuar 10 kilogramët heroinë që kishte brenda.

Ata zbuluan gjithashtu se anëtarët e tjerë siguruan dokumentacion për të kaluar pa u vënë re në qytetin Galician. Drejtuesi i organizatës përdorte deri në dhjetë makina të ndryshme për trafik droge. Sa i përket përgjegjësit në Madrid, një shqiptar i ndaluar të hynte në BE, ka përdorur dokumente false dhe ka pretenduar se është ekspert gjyqësor.

Nga ana tjetër, të arrestuarit kishin mjete teknike për të zbuluar nëse ndiqeshin nga autoritetet.  

Pasi e kuptuan rolin që luante secili anëtar, organizuan një operacion policie me tetë kontrolle në shtëpi: katër në A Coruña, një në Carballo dhe një tjetër në Sada. Dy të tjerët në Madrid.

Ata sekuestruan tre kilogramë heroinë të fshehur në një depo dhe lloje të tjera droge: një kilogram hashash dhe 500 gramë marihuanë. Ata gjetën edhe rreth 57,000 euro para të gatshme dhe 900 dollarë amerikanë.

 

Të fundit