E-TJERA

Trafikoi 1.2 ton kokainë nga Karaibet në Greqi, dënohet më burgim të përjetshëm organizatori shqiptar

Trafikoi 1.2 ton kokainë nga Karaibet në Greqi, dënohet më

Me burg përjetë e ka dënuar gjykata greke shqiptarin Aleksandër Pemaj , i akuzuar për trafikun e 1.2 ton kokainë nga ishulli St. Vincent në Karaibe drejt Greqisë.

Operacioni e ka zanafillën në vitin 2020 teksa Pemaj u arrestua për rolin e organizatorit. Bashkë me të, u dënuan përjetësisht edhe katër persona të tjerë të akuzuar si të përfshirë në trafik, kurse 8 të pandehurit e tjerë u dënuan me 12 deri në 18 vjet burg, raportojnë mediat greke

Kokaina u kap në Greqi, në Agios Vikentios në Astakos, Etoloakarnania në 2020 teksa Sandër Pemaj nuk është një emër i panjohur për drejtësinë greke.

Ai ka qenë disa herë në burg, madje emri i tij njihet gjerësisht për përplasjen me armë me policinë greke në lagjen Virona të Athinës, ku protagonistë ishin dhe Marian Kolaj që u vra më pas në kufirin greko-shqiptar dhe Nikolla Todi që u ekzekutua në vend.

Sasia e kokainës që kapte vlerën e 50 milion eurove ishte gati për tu hedhur në tregun e paligjshëm të Europës dhe Afrikën Perëndimore, por u kap në një banesë në Greqi pasi kishte ardhur me një varkë me vela nga Karaibet. ‘Truri’ i organizatës që bëri transportin thirrej ‘Doktori’ dhe ishte shqiptar.

Të fundit