Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Transplante organesh gjatë luftës?! Flet pronari i ‘Shtëpisë së Verdhë’: Jam gati të shkoj edhe unë në Hagë

Politiko 6 Nëntor 2020, 10:32

Transplante organesh gjatë luftës?! Flet pronari i

Mersin Katuçi

“Këtu s’ka mjek e spital, jo më të bëhen transplante”, kështu është shprehur Mersin Katuçi, pronari i asaj që quhet “Shtëpia e Verdhë”, objekt në të cilin sipas Gjykatës Speciale dhe raportit të Dick Martyt janë kryer transplante organesh gjatë luftës së Kosovës.

Në një intervistë për Fax News, Katuçi ka dhënë versionin e tij të historisë ku shprehet se në zonën e Gurrës, në Burrel, nuk ka pasur asnjë ushtar apo shtetas të Kosovës që të jetë strehuar gjatë viteve 98-99, dhe aq më pak që në banesën e tij të mund të kryhej transplant organesh.

Pronari i “Shtëpisë së Verdhë” u shpreh se ai do të kërkojë dëmshpërblim moral për dëmin që i është kryer, pasi sipas Katuçit ky është pengu më i madh i jetës së tij, dhe hedhja e baltës ndaj familjes do të duhet që të marrë fund.

“Këtu ku jemi ne nuk ka as rrugë makine asgjë, është një zonë e vdêkur ku nuk ka as mjek as gjë, Ne i kërkojmë shtetit shqiptar që të na jepet dëmshpërblim moral, nuk jemi ne njerëz që bëjmë transplant organesh. Në zonën e Gurrës nuk ka ardhur asnjë kosovar gjatë luftës së Kosovës, ne kemi jetuar rreth 10 persona në këtë shtëpi, në vitet e luftës, se kam pasur dhe fëmijët e vegjël. Gjatë kontrolleve të agjenturave serbe kanë nxjerrë dhe nusen e vëllait nga shtëpia, që ishte me fëmijët e sapolindur.

Këtu duhet të merret në pyetje ish-prokurori i Matit Arben Dyla dhe Theodhori Sollaku, që i kanë lejuar që të vijnë këtu dhe të bëjnë kontrolle padrejtësisht. Ne si familje nuk na kanë lejuar që të jemi aty kur janë bërë kontrollet në banesë, nuk është gjetur asnjë provë për të vërtetuar atë që thonë.

Edhe ju si televizion kërkojini zotit Rama që të flasë për këto padrejtësi, këtu mund të kenë dorë dhe ministrat tanë, që u kemi kërkuar ndihmë dhe nuk na kanë dhënë asnjë zgjidhje, do ta kërkoj deri në vdêkje që kjo padrejtësi të zbardhet. Të shkoj dhe unë atje në Hagë dhe të përballem me të vërtetën.

Ne nuk na ka lënë kush që të prezantohemi me personat që kanë ardhur dhe kanë bërë kontrolle në shtëpinë tonë, unë sot jetoj ende në këtë shtëpi. Mafia serbe, mund të ketë dorë dhe Sigurimi i Shtetit shqiptar që të na ketë njollosur ne si familje. Do ua lë amanet edhe fëmijëve, që kjo padrejtësi të vihet në vend një ditë, nga shteti shqiptar nuk më ka trokitur njeri në derë që të më pyesë se çfarë halli kam.

Këtë qendrim që të dhashë ty do ta jap edhe kudo që të më pyesin, pse ka pranuar prokurori që të bëhet kontroll, duke e ditur se çfarë familje jam unë. Shteti shqiptar më ka ardhur në shtëpi pa asnjë autorizim dhe pa asnjë gjë. Nuk më ka marrë askush në pyetje, përveç një hetuesi të rrethit, u kam thënë se te ne nuk ka ardhur asnjë ushtar i Kosovës dhe askush, është një fantazmë e madhe, pasi zona jonë është e vdêkur.

Jo, jo, në të gjithë zonën e Gurrës nuk ka pasur asnjë ushtar të UÇK-së dhe asnjë person nga Kosova që të jetë strehuar. Hajdeni këtu në vend që të shikoni terrenin, merrni në pyetje dhe kryetarin e Bashkisë dhe prokurorin e Matit, dhe do të mësoni që këtu nuk ka pasur asnjë mundësi që të bëhej transplant”, përfundoi Katuçi.