Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

Transportonte armë zjarri, arrestohet një taksist në Vlorë

Politiko 13 Shkurt 2025, 15:59

Transportonte armë zjarri, arrestohet një taksist në Vlorë

Një 54-vjeçar, shofer taksie, është arrestuar nga Policia e Vlorës, pasi në automjetin e tij u gjet një armë zjarri automatike. Sipas burimeve zyrtare, ai dyshohet se bashkëpunonte me një 17-vjeçar për transportimin e armës në këmbim të një shume parash që do të merrte pas shitjes së saj.

Operacioni policor i koduar “The Passenger”, i zhvilluar disa ditë më parë, ka çuar në arrestimin e drejtuesit të taksisë, shtetasit I. B., 54 vjeç, banues në Fier. Ndërkohë, 17-vjeçari që udhëtonte me të është shpallur në kërkim nga policia.

Njoftimi i policisë:

Vlorë/Vijojnë veprimet hetimore në kuadër të operacionit policor të koduar ‘The passenger”, që u zhvillua disa ditë më parë, për goditjen e një rasti të tentativës për të shitur armë zjarri. Kapet dhe vihet në pranga një 54-vjeçar (drejtuesi i taksisë ku u gjet arma e zjarrit). Specialistët për Hetimin e Krimeve të Rënda, të DVP Vlorë, në vijim të veprimeve hetimore të kryera në kuadër të operacionit policor “The Passenger”, bazuar dhe në informacionet e siguruara nga inteligjenca policore, kapën dhe ndaluan shtetasin I. B., 54 vjeç, banues në Fier.

Gjatë operacionit të zhvilluar 4 ditë më parë, në aksin rrugor “Fier – Vlorë”, në bagazhin e taksisë me drejtues shtetasin I. B. dhe pasagjer një 17-vjeçar, shërbimet e Policisë gjetën një armë zjarri automatike, që dyshohet se 17-vjeçari, i cili u arrestua në flagrancë, po e transportonte drejt Vlorës, me qëllim shitjen. Nga veprimet hetimore dyshohet se shtetasi I. B. është i përfshirë në këtë rast, pasi ka bashkëpunuar me 17-vjeçarin, për transportimin e armës së zjarrit, në këmbim të një shumë parash që do të merrte pas shitjes së saj. Vijon puna për kapjen e shtetasit E. Gj., i shpallur në kërkim në kuadër të operacionit, dhe për dokumentimin e plotë të këtij rasti. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë.

Të fundit