Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

E-TJERA

Tre kandidatët e Vetëvendosjes ankimojnë rezultatin e zgjedhjeve, kërkojnë të shpallen të pavlefshme në tre qarqe; argumentat

Politiko 11 Maj 2021, 12:26

Tre kandidatët e Vetëvendosjes ankimojnë rezultatin e zgjedhjeve,

Kryetari i Lëvizjes Vetëvendosje në Shqipëri Boiken Abazi dhe dy anëtarët e tjerë të kësaj lëvizjeje, Kreshnik Merxhani dhe Iljaz Shehu, të cilët në zgjedhjet parlamentare të 25 prillit garuan si kandidatë të pavarur, i kanë dërguar kërkesë Komisionit të Ankimimeve dhe Sanksioneve (KAS) për shpalljen e pavlefshme të zgjedhjeve në qarkun e Tiranës, Lezhës dhe Gjirokastrës.

Të tre kandidatët pretendojnë se ka patur shkelje dhe kanë paraqitur një sërë argumentash për shpalljen e pavlefshme të zgjedhjeve në këto tre qarqe.

“Janë paraqitur164 fotografi të fletëve të votimit ku është vendosur një X i dytë apo i tretë, në fletë ku ka pasur një X për Boiken Abazin. Janë konstatuar me sy nga vëzhguesit raste kur numëruesit kanë kaluar vota për kandidatin e pavarur Boiken Abazi në drejtim të subjekteve të tjera politike”, thuhet në pretendimin e Abazit.

“Mbulimi me gisht gjatë procesit të numërimit i katrorit me numrin 13 që i përkiste kandidatit të pavarur Kreshnik Merxhani. Në ekranin e tavolinave të numërimit nuk është vendosur pamja e plotë e fletës së votimit”, thuhet në pretendimin e Merxhanit.

“Në fotografitë janë evidentuar fletë votimi që kanë një “X” të dytë shtesë. Ndërsa gjatë procesit të numërimit pretendohet se në ekran nuk është vendosur pamja e plotë e fletës së votimit”, thuhet në pretendimin e Shehut.

Shkeljet e pretenduara nga tre kandidatët e Vetëvendosjes:

- Pengimi nga kryetarët e KZAZ-ve i vëshguesve dhe vetë kandidatëve që të hyjnë në Qendrat e Votimit.
- Shpallja e votave të pavlefshme pa asnjë arsyetim, si dhe manipulimi i tyre.
- Mungesa e pamjeve filmike në disa raste gjatë procesit të numërimit.
- Hapja e kutive dhe manipulimi i fletëve të votimit gjatë rrugën për në Qendrat e Numërimit.
- Mos lejimi i personave të infektuar me Covid për të votuar
- Vendosja e karantinimit dy javor për emigrantët, nga Komiteti i Ekspertëve vetëm 2 ditë para zgjedhjeve.
- Keqpërdorimi i administratave publike, pasi vetëm muajtë e fundit u punësuan shumë njerëz, duke bërë që të ndikoheshin në rezultatin e zgjedhjeve.
- Qytetarëve të Shqipërisë që jetojnë jashtë shtetit iu mohua e drejta për të votuar, edhe pse e kanë të drejt të tyre kushtetuese dhe ligjore.
- Presioni, manipulimi, shit-blerja e votave nga subjektet politike. 

Më herët edhe LSi ka ankimuar rezultatin në Qarkun e Gjirokastrës, ku kërkon shpalljen e pavlefshme të zgjedhjeve, ndërsa PD kërkon rivotim në 9 qarqe ku përfshihet dhe Tirana e Gjirokastra.

Dokumenta bashkëngjitur

Të fundit