Flash News

Kochorashvil ndëshkon kuqezinjtë, Gjeorgjia kalon në avantazh

Hoxha luan titullar ndaj Gjeorgjisë, publikohen formacionet zyrtare të ndeshjes

Berisha: Konservatorizimi në Shqipëri ka rrënjë më të thella, ku qëndrojnë mijëra jetë të sakrifikuara

Vrasja e dyfishtë në Roskovec, shoqërohet djali i autorit dhe i njërit prej viktimave

Del foto e dy viktimave në Roskovec, xhaxhai dhe nipi ishin duke pirë kafe kur u qëlluan

E-TJERA

Tre klube të Superiores me merkato të bllokuar, shuma që duhet të paguajnë

Politiko 12 Gusht 2024, 19:59

Tre klube të Superiores me merkato të bllokuar, shuma që duhet

Tiranës, Dinamos dhe Laçit i është bllokuar disa ditë më parë dje merkatoja (ndalimi i regjistrimit të lojtarëve të rinj) për tri periudha deri në pagesën e detyrimeve që kanë.

Shkak këtë herë është bërë mospërmbushja e detyrimeve për kuotën e trajnimit ndaj klubeve bazë, që vazhdon të jetë makth për futbollin shqiptar. Mësohet se Teuta, Apolonia dhe akademia “Studenti” në kryeqytet kanë fituar gjyqet.

“Panorama Sport” ka arritur të zbulojë detyrimet që duhet të shlyejnë tashmë Tirana, Dinamo dhe Laçi, respektivisht për Studentin, Teutën dhe Apoloninë, por gjithashtu edhe emrat e të rinjve që bëhet fjalë. Kemi të bëjmë me taksën e Kompensimit për Trajnim, e cila nuk është paguar nga këto klube për periudhën kur lojtarët janë stërvitur në skuadrat e mëparshme.

TIRANA – Bëhet fjalë për mesfushorin Hajrulla Tola. Klubi bardheblu i detyrohet akademisë së futbollit, “Studenti”, ku i riu ka qenë deri në vitin 2020. Pasi është paditur në FSHF, tani Tirana duhet të shlyejë te “Studenti” për formimin e Tolës rreth 20 milionë lekë të vjetër.

LAÇI – I detyrohet klubit të Apolonisë për dy lojtarë: mbrojtësin Arlind Kurti dhe mesfushorin Olsi Myrta. Klubi fierak ka fituar gjyqin dhe pret të marrë nga kurbinasit rreth 62 milionë lekë të vjetër.

DINAMO – I detyrohet klubit të Teutës dhe bëhet fjalë për portierin Rajan Guçi dhe sulmuesin Dejvi Duro. Mësohet se shuma shkon rreth 22 milionë lekë të vjetër, që duhet të derdhen në llogarinë e durrsakëve.

Të fundit