Flash News

Video/ Konflikti i dhunshëm në Ksamil, dy biznesmenët u përleshën për çadrat e plazhit

Kurti dhe Limaj takohen, s’dihet nëse kanë arritur ujdi për krijimin e institucioneve

Dhunohet pronari i një hoteli në Ksamil, arrestohet autori

Ra në kontakt me energjinë elektrike, humb jetën 32-vjeçari në plazhin e Shëngjinit

Sherr për pronën në Tushemisht, 4 persona rrihen mes tyre me sende të forta, mes tyre edhe kryeplaku

E-TJERA

"Treni bullgar"/ Teliti: Rama në krye të lokomotivës, skemë e nisur muaj më parë!

Politiko 16 Qershor 2025, 10:10
"Treni bullgar"/ Teliti: Rama në krye të lokomotivës,
Dorian Teliti

Këshilltari për Çështjet Ekonomike në Partinë Demokratike, Dorian Teliti, ka komentuar sërish ditën e sotme rezultatin e zgjedhjeve të 11 Majit.

Në një intervistë për Syri Tv, Teliti u ndal te denoncimet e publikuara nga opozita në lidhje me shkeljet e konstatuara gjatë procesit zgjedhor, teksa u shpreh se fenomeni i ‘trenit bullgar’ është një tren i madh i manipulimit të votave, ku lokomotivën e këtij treni e tërheq sipas tij kreu i qeverisë, Edi Rama.

Teliti shton se sipas tij, përballë një mazhorance që bashkëpunon me bandat dhe krimin e organizuar apo që përdor asetet publike për të ndikuar te zgjedhësit, është e pamundur të fitohet, edhe nëse ti nxjerr një kandidat premtues.

Teliti shton më tej se me rëndësi mbetet vijimësia e denoncimit të masakrës elektorale dhe ndërgjegjësimi i faktorit ndërkombëtar brenda dhe jashtë vendit.

Teliti: Po bëjmë denoncime me zë e figurë për masakrën elektorale. Është një tren i madh shqiptar i manipulimit të votave, me shumë vagonë dhe në krye të lokomotivës, që  dihet kush është arkitekti që ka nisur një skemë që është aplikuar jo vetëm më 11 maj, por që më parë për të tjetërsuar votën e shqiptarëve. Ndonëse nën presion nga përfaqësues, deputetët e drejtues të mazhorancës, s’besoj se KZAZ-të kanë qenë palë e manipulimit. Është një manipulim që ka nisur më parë, me takimet e kryeministrit në diasporë. Nuk shkoi si kryeministër por si kryetar i PS. Që këtu nisi tjetërsimi i vullnetit të shqiptarëve.

Me këto pamje, është e qartë pasqyra se çfarë ka ndodhur, e dimë të gjithë realitetin. Habi e njerëzve e votuesve që thonë si është i mundur ky rezultat. Sa është numri total i votuesve realisht, s’kemi përgjigje, sa fletë janë printuar, si është bërë shpërndarja e fletëve të votimit? Ende s’kemi të dhëna nga KQZ. Si është e mundur që është kontraktuar DHL dhe hyn në lojë posta shqiptare. Është vërtetuar mosbesimi ynë që është me themele të forta e prova konkrete. S’ka ndodhur që PD-PS në aq vite demokraci, që të kenë në një kuti votimi 3%.

Të vazhdojmë demsaskimi i masakrës elektorale. Ne s’jemi në maksimumin tonë, kemi nevojë për t’u përmirësuar, për të bërë çmos për të krijuar kushte për qeveri teknike. Nëse bandat do jenë sërish në terren, sërish do të tjetërsohet vullneti i shqiptarëve. Nëse ti vazhdon të përdorësh për pensionistët bonus, sërish do ketë ndikim te rezultat. Apo gjobat t’i falë që i ka vendosur vetë qeveria, do ketë sërish ndikim.

Të zhvishemi nga qeverisja aktuale, që ndikon në zgjedhje. Në momentin që ka garë të lirë e të ndershme, pa dyshim që ka palë fituese e humbëse, kanë vendosur qytetarët e jo bandat në shumë qytete apo paratë e buxhetit, apo frika për vendet e punës. S’është e mundur që në historikun evropian e botëror që një qeverisje në mandatin e 4-t të rrisë numrin e mandateve, edhe pas skandaleve që e ka përfshirë. Jemi në një situatë ku s’ka më rëndësi kush është, por në situatën ku këdo që vë përballë mazhorancës me këto që janë, do ketë rezultat të njëjtë. Të vazhdojmë të denoncojmë masakrën elektorale e të ndërgjegjësojmë faktorin ndërkombëtar brenda vendit.

Të fundit