Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Tritan Kalo largohet nga Komiteti Teknik i Ekspertëve: 'Pordhitika' përçau mjekët, u vendosëm në tre llogore

Politiko 4 Mars 2021, 08:26
Tritan Kalo largohet nga Komiteti Teknik i Ekspertëve:
Mjeku Tritan Kalo

Mjeku Tritan Kalo është larguar nga Komiteti Teknik i Ekspertëve, ku bënte pjesë që prej ngritjes së kësaj strukture, më 31 janar të vitit të shkuar. Lajmin e bëri me dije vet Kalo përmes një postimi në Facebook.

"4 Marsi shënon edhe fundin e bashkëpunimit tim zyrtar me këtë grup të emërtuar: 'Komiteti i përhershëm për Infeksionin e përhapur nga Coronavirusi i ri'….Ju jam shumë mirënjohës për mirëbesimin që treguat ndaj eksperiencës dhe përkushtimit tim.

Nëse dikush nga kritizerët e gjithologët e ka dëshiruar këtë vend ai/ajo e ka atë tashmë të lirë….Unë këtu jam dhe kurrë nuk do heq dorë nga kontributi, për tu shërbyer atyre që besojnë në punën, përkushtimin dhe profesionalizmin tim, por edhe për të dhënë ndihmesën time në mbarëvajtjen e punëve për t’u përballur me këtë pandemi, nëse një gjë e tillë do vijojë ende të më kërkohet", thotë Kalo.

Ky i fundit shpjegon dhe arsyet që e detyruan të marrë këtë vendim. Sipas Kalos mjekët janë përçarë dhe për këtë mjeku bën fajtore politikën, por edhe ata analistë që sipas tij, nuk duhet të ishin përfshirë në këtë çështje që i përkiste mjekësisë.

"Si kurdoherë edhe kësaj here “Pordhitika” e bëri të mundur t’i përçajë mjekët në qëndrimet dhe në kontributin e tyre, për t’u përballur me këtë “flamë mbarëbotërore”. Kemi ekzistencën e njëkohëshme të tre Komiteteve Zyrtare apo jo: të qeverisë aktuale, të Presidencës/LSI-së dhe të Partisë Demokratike, ose opozitës në një term më të gjërë.

Në një kohë kur duhet bashkëveprim tej përkatësive partiake, ne mjekët jemi të vendosur në tre llogore. Turp dhe shkuar turpit. Nuk e imagjinoja kurrë se karriera dhe makutëria do të mbërrinte në një pikë të tillë, që edhe përballë një sfide ekzistencialiste kombëtare do të ishim të ndarë në “tre stane”. Gjithologët dhe anal-istët na mbinë kudo dhe ngado, brenda dhe jashtë kufijëve gjeografikë të trojeve Arbërore", shkruan ndër të tjera mjeku.

Kalo bën me dije se do vazhdojë të japë kontributin e tij si mjek, por tashmë s'do të jetë më pjesë e Komitetit Teknik. Ai ka reaguar shpesh, ku ka theksuar se Komiteti nuk merr vendime lidhur me situatën e koronavirusit, por thjesht propozon duke parë ecurinë e pandemisë.

 

Të fundit