Flash News

Berisha komenton ‘flirtin’ Rama-Basha: Gili vili përditë, unë u riktheva për Shqipërinë Madhështore

“Pusho se do të shkër*** robtë”/ Alimadhi reagon pas shoqërimit me forcë nga policia: Më goditën si kriminel

Zbulohet një fole prostitucioni në Durrës, procedohen shtetas kineze dhe shqiptarë

Korçë/ Rrihet një punonjës karburanti gjatë natës

Gripi i shpendëve, gati 500 mijë pula të asgjësuara, rritet çmimi i vezëve në treg

E-TJERA

Trupi i Rayyan Alwan ende në morg, nëna e 24-vjeçares pritet të dëshmojë për vrasjen tronditëse

Politiko 5 Prill 2025, 14:42

Trupi i Rayyan Alwan ende në morg, nëna e 24-vjeçares pritet

Rayyan Alwan, palestinezja 24-vjeçare e cila u vra më 27 shkurt në Tiranë, u gjet e pajetë në banesën e marrë me qira në rrugën "Gjon Muzaka". Vrasja e saj ka tronditur komunitetin, ndërsa hetimet kanë zbuluar se ajo u vra nga babai i saj, Fadi Alwan, i cili pas krimit u arratis drejt Libanit.

Sipas raportimeve të gazetares Klodiana Lala, nëna e Rayyan Alwan ka kontaktuar autoritetet policore në Shqipëri dhe ka konfirmuar se do të udhëtojë për të dhënë dëshminë e saj lidhur me këtë ngjarje tragjike. Ajo pritet të mbërrijë në Shqipëri për të ndihmuar në zbardhjen e motiveve që çuan në vrasjen e vajzës së saj.

Në hetimet e zhvilluara deri më tani, është zbuluar se Rayyan dhe Fadi Alwan mbërritën në Shqipëri më 19 shkurt, ndërsa më 22 shkurt, babai i saj u largua për në Greqi, për t'u nisur më pas drejt Amsterdamit. Aktualisht, ai dyshohet se ndodhet në Liban.

Hetimet kanë treguar se vrasja e Rayyan mund të jetë kryer brenda një periudhe 3-ditore, ndërsa trupi i saj u zbulua nga pronarja e banesës, e cila njoftoi policinë.

Sipas burimeve, në fillim u dyshua se Fadi dhe Rayyan mund të ishin bashkëshortë, pasi ata kishin fjetur në të njëjtin krevat dhe ishin paraqitur si një çift, por më pas autoritetet gjermane konfirmuan se ata ishin babë e bijë.

Aktualisht, trupi i pajetë i Rayyan Alwan vijon të mbahet në morgun e Tiranës, ndërsa familja e saj ende nuk ka bërë kërkesë për ta marrë. Dëshmia e nënës së Rayyan pritet të hedhë dritë mbi arsyet dhe motivet e kësaj vrasjeje tragjike.

Të fundit