Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Trysnia përmes padive, shqetësuese në Shqipëri, gazetarët censurohen që të braktisin qasjen kritike

Politiko 2 Maj 2022, 10:27

Trysnia përmes padive, shqetësuese në Shqipëri,

Komisioni Evropian propozoi këtë javë disa ligje që kanë për synim të frenojnë fenomenin e proceseve gjyqësore me tepricë ndaj medies dhe gazetarëve.

I njohur ndryshe edhe si padia SLAPP, paditë strategjike kundër pjesëmarrjes publike, ka të bëjë me padi që ngrihen ndaj gazetarëve nga funksionarë ose njerëz të njohur me pushtet, me qëllim që të frikësojnë gazetarët të mos ekspozojnë rastet e shkeljet së ligjit apo të korrupsionit. Në njëfarë mënyrë, ushtrojnë trysni ndaj medies dhe reporterëve përmes padive.

Në thelb SLAPP synon të censurojnë dhe të heshtin kritikët duke i ngarkuar ata me koston e mbrojtjes gjyqësore derisa të braktisin kritikat.

Këshilltarja ligjore e Qendrës Evropiane për Lirinë e Shtypit dhe të Medias, Flturua Kusari ka folur për VOA, mbi përpjekjet e BE për t'u dhënë fund padive të tilla. Kusari ka thënë se pjesa më e madhe e këtyre padive shfaqen më shqetësuese kryesisht në Shqipëri.

“Problemi i parë që kemi ndeshur kur filluam të dokumentonim paditë ka qenë fakti që gazetarët nuk e kanë njohur konceptin e padive SLAPP. Ata kanë menduar se është normale që ata të mund të paditen. Problemi i dytë ka qënë vështirësia për të bindur gazetarët që të flasin për këto padi sepse një numër i madh i gazetarëve të paditur nuk duan të bëhen vetë tituj të lajmeve, ata duan të raportojnë. Tashmë kemi mbërritur në një fazë, ku një pjesë e madhe e gazetarëve e dinë këtë dhe ne kemi dokumentuar raste, sidomos në Shqipëri, për shembull rasti i BIRN Albania dhe ai i gazetarit Artan Rama që janë në shënjestër të padive SLAPP për shkak të punës së mirë investigative që ata kanë bërë. Në Kosovë, së fundmi e kemi këngëtarin Gjiko, i cili akuzohet për dhunimin e një të miture dhe ka ngritur padi SLAPP ndaj dy gazetarëve për shkak se ata e kanë kritikuar dhe kanë raportuar për të. Në Serbi kemi një medium investigativ që ka rreth dhjetë padi aktive. Pra, kemi prova të mjaftueshme që, në njërën anë ky është një problem në Ballkan, dhe në anën tjetër, kërkohet që të ndërmerren masa dhe këto masa mund të vijnë vetëm nëse ka vullnet politik”, tha Kusari.

Të fundit