Turizëm në vitrinë: Shqipëria mbetet e fundit në Evropë për ujërat më të pastër

Një raport i fundit i Agjencisë Evropiane të Mjedisit (EEA), për ujërat më të pastër dhe të sigurt në Evropë, e ka renditur Shqipërinë të fundit.

Qiproja është renditur destinacioni më i mirë, me mbi 99% të ujërave të saj më të pastër. Vendi është renditur vazhdimisht në vendet e para gjatë viteve, duke shfaqur vende parajsore si Aya Napa, Nissi Beach, Fig Tree Bay dhe Konnos Bay.

Pse Shqipëria renditet e fundit?

Gjetjet e raportit të EEA nuk janë aq pozitive për Shqipërinë, një nga destinacionet turistike në zhvillim në Evropë. 16% e ujërave konsiderohen me cilësi të shkëlqyer dhe pjesa më e madhe, 23% renditen me cilësi “të dobët”.

Universiteti Bujqësor i Tiranës thotë se shumë zona banimi me më shumë se 5,000 banorë nuk kishin impiante për trajtimin e ujërave të ndotura deri vonë, duke rezultuar në derdhjen direkt të ujërave të ndotura në det ose lumenj.

Në veçanti, "sistemi i kanalizimeve në qytetin e Durrsit ka qenë një problem si për banorët ashtu edhe për ekosistemet për vite me radhë", thotë Revista Evropiane e Mjedisit dhe Shkencave të Tokës.

Ndotja nga plastika dhe mikroplastikat paraqet probleme shtesë. Pas Malit të Zi dhe Maqedonisë së Veriut, Shqipëria kishte shkallën e tretë më të lartë të hedhjes së plastikës në ujë për frymë, me tre kg në vit, sipas një raporti të vitit 2020 të publikuar nga Bashkimi Ndërkombëtar për Ruajtjen e Natyrës.

Problemet që propaganda nuk i shesh (ose nuk do t’i shohë)

Pavarësisht shqetësimeve që kanë ngritur raportet ndërkombëtare, qeveria nuk ka folur asnjëherë për ndotjen e ujërave larës. Në disa raste, kanë qenë vetë turistët të cilët kanë denoncuar shpesh derdhjen e ujërave të zeza ose naftën në dete.

E përditshmja franceze “Le Figaro” solli një reportazh për bukuritë që ofron natyra shqiptare dhe jo vetëm. Artikulli ishte një miks deklaratash nga turistët e zhgënjyer dhe ata që vlerësoin trashëgiminë kulturore të Shqipërisë dhe detin.

Një çift turistësh e përshkruanin Shqipërinë si “zhgënjim”, ndryshe nga çfarë reklamohet në rrjete sociale. “Nuk është shumë i pastër dhe ka shumë turistë, aq sa pushuesit i hedhin çadrat në plazh një ditë më parë për të zënë një vend të nesërmen”, rrëfente një turiste në reportazh.

Shqipëria ndiqet nga disa politika diskriminuese që kanë vetëm një synim: të sjellin sa më shumë turistë, të cilëve iu servirim një cilësi jo të mirë të ujërave larës. Rama dhe ministrja e tij Kumbaro, kujdeset ta fshehë duke dëshmuar vetëm ‘sukseset’ e spastrimit të plazheve nga zaptimet me shezlonge private, por duke harruar masakrën që bëhet në detet, liqenet e lumenjtë tanë.

Pr, qeveria zgjedh t’i ofrojë vendasve dhe të huajve, turizmin si vitrinë, për të mbuluar realitetin që as vetë nuk do ta shohë.