Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

E-TJERA

U arrestua në Kolumbi, gazetari tregon kush është ‘Gucci’: Si u kthye shqiptari në kartel droge

Politiko 27 Shtator 2022, 22:25

U arrestua në Kolumbi, gazetari tregon kush është

Gazetari Spartak Koka ka folur për shqiptarin e shumëkërkuar që u arrestua një ditë më parë në Kolumbi, Denis Klironomi i njohur ndryshe me nofkën ‘Gucci’.

Për ‘Open’, Koka tregoi akuzat që rëndojnë mbi Klironomin. Gazetari tregoi se ‘Gucci’ akuzohet se ka gisht në zhdukjen e Renato Hamzës i njohur si ‘Reni i Elbasanit’. Koka shton se Klironomi figuron me dy identitete: si Denis Klironomi dhe Denis Floroiu.

Gazetari shpjegon më tej se si përfundoi ‘Gucci’ në një kartel të famshëm droge.

“Deniz nuk është personazh i rastësishëm në Kolumbi, është një nga më të rëndësishmit e një grupi kriminal në Shijak dhe si një nga më të afërtit që drejton trafikun e kokainës për këtë grup në Europë. Është arrestuar disa herë në Europë. Është arrestuar nga koordinimi i informacionit të një gjykate në Rumani pasi në bashkëpunim me një rumun, një ndër më të kërkuarit në Europë ai ka trafikuar ë Belgjikë dhe Gjermani dy vajza të mitura për prostitucion. Hetimi për ta është bërë në bashkëpunim me autoritetet gjermane dhe belge. Për të është kërkuar menjëherë ekstradimi dhe pse ka qenë e vështirë. Me dokumenta shqiptare është Deniz Floroiu. Ka qenë partner financiar i këtij grupi në lidhje me trafikimin e kokainës. Për ngjarjen e vitit 2015 ai megjithse është dënuar autoritetet shqiptare nuk e kanë vënë ujin në zjarr për ta kapur. Rumania ka kërkuar ekstradimin urgjent të këtij shtetasi. Ai është i përfshirë në një tjetër ngjarje, me zhdukjen e këngëtarit Renato Hamza. Familja e Hamzës nuk e kishte të qartë fatin e djalit të tyre. Momentet e fundit të Hamzës janë marrë në vitin 2014, kontakti i fundit i të cilit ka qenë me 2 personazhe me precedentë kriminelë, Indrit Shaqja dhe Deniz Klironomi. Ajo që nuk u zbërthye asnjëherë ishte fotografia e vitit 2011 ku Hamza shfaqet në një lokal në Shijak para se të vritet Ervin Kërtalla, një i afërt i Klironomit. Policia e Durrësit kërkoi ndihmë për identifikimin e këtij personi. Personat e dëmtuar nga kjo histori e gjetën para policisë. Indrit Shaqja është dënuar me burgim të përjetshëm. Hamza dyshohet të jetë rrëmbyer dhe vrarë si hakmarrje për ngjarjen që ka ndodhur në 26 gusht 2011. Asnjëherë nuk ka pasur akuza kundër autorëve. Në Librazhd u gjet një kufomë, gjysmë e dekompozuar. Autoritetet thanë se nuk bëjnë dot krahasimin e ADN-së së kësaj kufome me asnjë person të zhdukur. Kjo tregon sa dobët jemi me hetimin. Kjo ka qenë e qëllimshme nga policia dhe prokuroria e Elbasanit”, tha Koka.