Flash News

Plagosja e djeshme në Durrës, 36-vjeçari ishte me dy të mitur në makinë kur u qëllua

AMP arreston në flagrancë dy punonjës policie dhe pezullon nga detyra një tjetër

Alarmi për bombë në një hotel në Tiranë, çfarë zbuloi policia

Video/ Alarmi për bombë në parkingun e një hoteli në Tiranë, reagon policia

Të shtëna me armë zjarri në Durrës, një i plagosur

E-TJERA

U emërua drejtor i ri i Policisë së Shtetit, kush është Gledis Nano, ish-kreu i Antiterrorit

Politiko 6 Tetor 2021, 13:31

U emërua drejtor i ri i Policisë së Shtetit, kush është

Ardi Veliu vendosi të dorëzojë postin e tij si Drejtor i Përgjithshëm i Policisë së Shtetit. Lajmi i bërë publik dje, u rikonfirmua sot nga ministri i Brendshëm Bledi Çuçi në shpalljen e vendimeve të reja të qeverisë.

Postin e drejtorit të ri të Policisë së Shtetit, do ta mbajë Gledis Nano, ish-drejtor i Antiterrorit në Policinë e Shtetit. Nano paraqet një kornizë ndryshe, me një karrierë profesionale prej 17 vitesh në Policinë e Shtetit.

Gledis Nano spikati me eksperiencën e tij si drejtor i Antiterrorit, kur mori edhe në muajin gusht të këtij viti një certifikatë vlerëimi nga ambasadorja amerikane në Tiranë Yuri Kim, për bashkëpunimin e suksesshëm me amerikanët dhe ushtrimit e detryrës së tij në krye të operacioneve të Antiterrorit.

Nano ka pasur edhe një rol aktiv dhe kyç në riatdhesimin e shqiptarëve nga kampet në Siri. Bashkë me kryeministrin Edi Rama dhe ministrin e Brenshëm Bledi Çuçi, Gldis Nano udhëtoi drejt Libanit për të mundësuar më pas riatdhesimin e grave dhe fëmijëve nga kampi Al-Haël.

Në krye të Antiterrorit, Gledis Nano përmbyll një eksperiencë 5-vjçare, ku është ndeshur në jo pak raste me dosje delikate siç është edhe rasti i dëbimit të diplomatëve iranianë dhe rusë nga Shqipëria, apo identifikimi dhe gjurmimi i celulave shqiptare terroriste.

Në vitin 2013 Gledis Nano u mor me hetimin e dosjes së famshme të “Imamëve”. Në vitin 2017 Nano u diplomua në Akademinë Kombëtare të FBI-së në Quantico Virginia. Nano e ka nisur karrierën e tij në Policinë e Korçës, më pas ka drejtuar sektorin e Krimeve në Policinë e Vlorës, për tu emëruar më vonë në Tiranë.

Gledis Nano mbante gradën “drejtues i parë” dhe pas emërimit në krye të Policisë së Shtetit mori gradën “drejtues madhor”.

 

 

Të fundit