Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

U gjet i vrarë në makinë, Romario Brunga kishte vetëm 7 muaj i martuar, zbardhet pista kryesore e hetimit

Politiko 7 Shkurt 2025, 12:24

U gjet i vrarë në makinë, Romario Brunga kishte vetëm 7 muaj

25-vjeçari Romario Brunga u gjet i pajetë brenda automjetit të tij në rrugën e vjetër të Balldrenit, ndërsa hetimet vazhdojnë për të zbuluar nëse bëhet fjalë për një vetëvrasje apo një vrasje të inskenuar.

Pamjet e kamerave të sigurisë tregojnë se i riu ishte duke komunikuar në telefon gjatë gjithë udhëtimit nga puna drejt banesës.

Personi i fundit që ka folur me të ka qenë shoku i tij i ngushtë, i cili ka treguar se Romario i ka thënë: “Kam një hall shumë të madh” – pas kësaj, ai ka mbyllur telefonin dhe nuk iu është përgjigjur më thirrjeve.

Policia ka sekuestruar celularin e viktimës për të analizuar tabulatet telefonike dhe mesazhet që mund të ndihmojnë në zbardhjen e ngjarjes. Sipas të dhënave paraprake, Romario punonte si kamarier në Balldren dhe ishte kthyer nga Spanja pak kohë më parë. Në gusht të vitit të kaluar, ai ishte martuar.

Detaje nga hetimet
Ekspertiza mjeko-ligjore ka zbuluar se 25-vjeçari kishte vetëm një plagë plumbi në ballë dhe një gërvishtje në dorë. Pistoleta, e cila u gjet pranë tij, rezulton të ketë qenë e mbushur. Ndërkohë, automjeti nuk ka pësuar asnjë dëmtim nga jashtë, çka e bën edhe më të ndërlikuar çështjen.

Ngjarja ka ndodhur rreth orës 15:00, ndërsa trupi i pajetë është gjetur nga familjarët dy orë më vonë. Megjithëse policia po heton si pistë kryesore vetëvrasjen, të afërmit e viktimës kanë deklaruar se ai nuk kishte shfaqur asnjë shenjë depresioni apo shqetësimi kohët e fundit.

Hetimet vijojnë për të zbuluar shkaqet që mund ta kenë çuar Romario Brungën drejt këtij akti ekstrem, ose për të konfirmuar nëse mund të bëhet fjalë për një skenar tjetër.

Të fundit