Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

U kapën 83 kg kokainë e pastër me markën “Louis Vuitton” nga Ekuadori, pranga 3 shqiptarëve në Itali

Politiko 28 Mars 2023, 13:42

U kapën 83 kg kokainë e pastër me markën “Louis

Tre shqiptarë janë arrestuar nga karabinierët në Itali pasi kishin fshehur një ngarkesë me drogë në një kontenier në zonën doganore të portit të Vado Ligure.

Sipas mediave vendase, ngarkesa me drogë ishte fshehur brenda kontenierit me banane që kishte ardhur nga Ekuadori.

Kontejneri, pasi zbriti nga anija, iu nënshtrua një kontrolli të plotë, i cili çoi në zbulimin e ngarkesës së drogës. Hetimet e mëvonshme të kryera nga ushtarë të Njësisë së Policisë Ekonomiko-Financiare dhe grupit Savona çuan në arrestimin e tre personave, me nënshtetësi shqiptare, të cilët kishin hyrë në zonën portuale të Vado Ligure.

Tre burra, përkatësisht të moshës 33, 28 dhe 23 vjeç, të gjithë banues në Piza, u bllokuan menjëherë nga financuesit dhe u arrestuan me akuzën e trafikut të drogës, më pas u dërguan në burgun e Genova Marassi.

Droga, rreth 83 kilogramë kokainë shumë e pastër, e ndarë në 72 pako me mbishkrimin “Louis Vuitton”, u sekuestrua dhe u vendos në dispozicion të organeve të drejtësisë. Në momentin e arrestimit, tre personave iu gjetën mjete të përshtatshme për hapjen me forcë të kontejnerit.

Hetimet e mëtejshme janë duke u zhvilluar për identifikimin e marrësve të ngarkesës së madhe të drogës, e cila, e vendosur në tregun me pakicë, do të kishte sjellë mbi 7 milionë euro.

Të fundit