Flash News
Shtyhet sërish seanca për Berishën, shkak mungesa e prokurorëve
Investimi në Sazan/ Rama pyetet pse nuk shpall tender kombëtar: Do shqyrtojmë aplikimin
Paraqitet në SPAK, ish-ministri dhe deputeti socialist, Nasip Naço
Posta e mëngjesit/ Me 2 rreshta: Çfarë pati rëndësi dje në Shqipëri
E rëndë në Krujë/ 42 vjeçarja futi në qese dhe hodhi në lumë foshnjën e porsalindur në shtëpi
U kërkonte 500 deri në 1 mijë euro për ‘kokë’ emigrantëve, kapet 21-vjeçari i shpallur në kërkim
Në kuadër të operacionit “Tarifa”, policia ka arrestuar në Pogradec një 21-vjeçar të shpallur në kërkim. I riu me iniciale N.C., është kapur duke transportuar 6 emigrantë nga vendet e treta, kundrejt pagesave 500-1000 euro/person për t’i kaluar ata drejt kufirit.
Në pranga ka rënë dhe bashkëpunëtori i tij, shtetasi me iniciale M.H. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Njoftimi i policisë:
Vijon operacioni policor i koduar “Tarifa”, për goditjen e një rasti të dhënies ndihmë shtetasve të huaj, për kalim të paligjshëm të kufirit. Kapet dhe vihet në pranga një shtetas i shpallur në kërkim si bashkautor i dyshuar i transportimit të 6 emigrantëve, kundrejt shumave 500-1000 euro/person.
Shërbimet e Komisariatit të Policisë Pogradec, në vijim të veprimeve hetimore dhe procedurale, të kryera në kuadër të operacionit policor të koduar “Tarifa”, të zhvilluar më datë 30.03.2023, lokalizuan, kapën dhe vunë në pranga, në bashkëpunim me shërbimet e Komisariatit të Policisë Kavajë, shtetasin e shpallur në kërkim N. C., 21 vjeç, banues në Kavajë.
Nga veprimet hetimore të deritanishme rezulton se 21-vjeçari kishte bashkëpunuar me shtetasin M. H. (të arrestuar në flagrancë gjatë operacionit “Tarifa”), për transportimin e 6 emigrantëve nga vendet e treta, kundrejt pagesave 500-1000 euro/person, me qëllim kalimin ilegal të kufirit, drejt shteteve të BE-së.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.