Flash News

Studimi: Ndërtimi i digave sjell pasoja të rënda ekologjike mbi burimin e Vjosës

Gjermania zgjat qëndrimin e trupave të saj në Kosovë

Policia greke bastis qelitë e shqiptarëve në Koridhalos, zbulohet arsenal dhe drogë te “bosi i mafies së burgjeve”

Ndahet nga jeta parakohe sopranoja e njohur e TKOB

Pezullohet lundrimi nga moti i keq në Vlorë

E-TJERA

U mbajt peng dhe u dhunua barbarisht nga i dashuri, flet 28-vjeçarja: Tentova të vetëvritesha, më shantazhonte

Politiko 17 Prill 2023, 12:10

U mbajt peng dhe u dhunua barbarisht nga i dashuri, flet 28-vjeçarja:

Gleard Gusholli është 31-vjeçar që ran ë pranga një ditë më parë, pasi mbajti peng për një javë në banesë dhe dhunoi sistematikisht me sende të forta, të dashurën e tij 28-vjeçare.

E reja mori plagë në disa pjesë të trupit për shkak të dhunës së ushtruar dhe ndodhet në Spitalin e Traumës, prej ku ka folur për mediat.

28-vjeçarja ka rrëfyer se si është njohur me Gleardin dhe momentin kur nisi të bëhej i dhunshëm.

“Gleardin e njoha në spital në Gjermani ku punoja si infermiere. Duke qenë se nuk dinte gjuhën më caktuan mua të kujdesesha për të. Kështu nisi njohja jonë. Më pas filluam bashkëjetesën në një banesë pranë banesës së prindërve të mi. Ai u arrestua në Austri dhe pas burgut u kthye në Tiranë. Ne nisëm të komunikonim sërish dhe unë lashë gjithçka dhe erdha në Tiranë. Në momentin që erdhëm këtu u bë obsesiv dhe kontrollonte gjithçka timen. Vendosi të më mbante peng në banesë dhe më ka dhunuar në mënyrë barbare”, ka rrëfyer e reja.

28-vjeçarja jeton bashkë me prindërit e saj në Gjermani, ku janë vendosur më shumë se 30 vite më parë. Teksa rrëfen dhunën e ish-të dashurit, 28-vjeçarja tregon se ka tentuar të kryejë vetëvrasje nga dhuna.

“Më ka goditur me këmbë të karriges, më ka kërcënuar me thikë, më ka shantazhuar se do bënte disa video që ai nën dhunë dhe presion kishte filmuar ndërsa isha në dush. Kam tentuar të hidhem dhe nga kati i pestë. Ai më tha që dua që të vuash, jo të vetëvritesh”, tha vajza.

Ajo ka treguar se ishte kushërira e Gleardit që e ndihmoi të dilte nga banesa ku mbahej e mbyllur, ndërsa bashkë me kunatën kanë mohuar para mjekëve të kishin njohje me 28-vjeçaren.

“Kushërira e Gleardit më ka ndihmuar të dilja nga shtëpia. Kunata na pa tek ashensori dhe më tha ‘çfarë të ka bërë vëllai im kështu’. Por kur zbritëm tek ambulanca ajo dhe kushërira e tij thanë që nuk e njohim, e gjetëm në rrugë dhe në spital kam ardhur me ambulancë”, ka rrëfyer më tej vajza.

Të fundit