E-TJERA

U përmend në përgjimet e Ndragheta-s, këshilltari i Metës çon SMS në emision: Me 180 mln euro blinim prokurorinë, qeverinë e parlamentin

U përmend në përgjimet e Ndragheta-s, këshilltari i

Përgjimet e anti-mafias italiane përfshijnë edhe presidencën shqiptare.  Ndër të tjera, përmendet  edhe një takim me këshilltarin e Presidentin Ilir Meta, Ilir Kulla dhe se sipas ish-policit të Guardia di Finanza, biseda lidhej me ndërmjetësimin e një takimi me prokurorin Cafier De Raho. 

Lidhur me këto përgjime, Kulla ka reaguar përmes një SMS-je në emisionin “Opinion’, të cilin e lexon moderatori Blendi Fevziu.  

“Me 180 milionë euro kesh, blinim prokurorinë, qeverinë dhe parlamentin po të kishin ardhur. Të them shumë shkurt, Odeta është gruaja e tij është nga Shkodra, mjekja ime dhe ky është burri i vet. Sigurisht që shefin e anti-mafias s’do e takoja ndërmjet këtij kapteri dhe shefi i anti-mafias nuk takohet në kafe tek Zogu i Zi. Odeta është mjeke e shkëlqyer, gastrohepatologe, zonjë grua. As e kam takuar ndonjëherë shefin e prokurorisë anti-mafia,” shkruan Kulla. 

Pjesë nga përgjimet:

“Tani që jemi atje, më të vërtetë, më ka telefonuar Kulla… është presidenti.  Ky, Ilir Kulla, Këshilltar i Presidentit te Shqipërisë… Mund të informohesh… Në Itali me Presidentin, mbërrijnë në Romë. Në këto momente po i marr një takim me ke?” Me Cafier De Rahon. Do të takohet me Cafier De Raho. E kupton? Por sinqerisht, të shkosh dhe të punosh për Tomasso Brutton… jo”-thotë Ercole D’Alessandro,  ish-policin e Guardia di Finanza, në bisedë me Antonio Gallon,  princi i Ndragheta-s.

Të shtunën, presidenti Ilir Meta reagoi për këtë çështje dhe kërkoi një hetim të plotë nga SPAK.

 

Ditari politik

Të fundit