Flash News

U plagos me plumb në kokë, ish-polici shqiptar vdes pas 3 ditësh

Ndahet nga jeta mjeku i njohur i QSUT-së

Foto/ Merr flakë furgoni në autostradën Fier-Lushnje

Emri/ U aksidentua teksa po shkonte në punë, humb jetën i riu shqiptar në Itali

Ekstradohen sot nga Dubai dy të shumëkërkuar, njëri prej tyre vëllai i Nuredin Dumanit

E-TJERA

U plagos me një plumb në kokë në Itali, gjendja e ish-policit shqiptar mbetet kritike

Politiko 10 Qershor 2025, 20:40

U plagos me një plumb në kokë në Itali, gjendja e

Gjendja e 58-vjeçarit shqiptar Fatos Cenaj i gjetur i plagosur me një plumb në kokë në një fshat të Italisë është e qëndrueshme, por shumë serioze ende për jetën.

Prokuroria e Padovës ka një pistë të re, ndryshe nga ajo e mbrëmjes së djeshme ku dyshohej për atentat nga një vrasës me pagesë për hakmarrje për shkak të konflikteve në Shqipëri.

“Ai nuk ka pasur kurrë probleme me askënd” – thonë familjarët. Familja e Fatos Cenajt nuk mund ta imagjinojë se kush mund ta kishte bërë këtë ndaj 58-vjeçarit deri në atë pikë sa ta priste në fshat të hapur dhe ta qëllonte në kokë. Ish-polici, i shtruar në kujdes intensiv në Padova, që nga e diela po lufton midis jetës dhe vdekjes. Gjendja e tij është e qëndrueshme, por shumë serioze, nuk ka shenja shërimi.

Prokuroria e Padovës ka hapur një hetim për vrasje të mbetur në tentativë, një mjek ligjor do të caktohet për të kryer analiza mbi plagët në kokë dhe trajektoren e të shtënave. Skanimi i kryer në spital kur Fatos Cenaj u shtrua në spital zbuloi dy plagë, një hyrje dhe një dalje. Plumbi ka hyrë pas veshit dhe ka dalë nga balli. Pra, nga poshtë lart, por gëzhoja mungon dhe për këtë arsye arma ende nuk është përcaktuar, nuk dihet nëse është pistoletë apo pushkë gjuetie.

Motivi është gjithashtu ende i panjohur, nuk përjashtohet që 58-vjeçari të jetë goditur aksidentalisht nga një plumb qorr i qëlluar nga dikush që po testonte një armë, por karabinierët po rindërtojnë edhe lidhjet e kaluara të Fatos Cenajt dhe nuk përjashtojnë pritën për hakmarrje dhe për shkak të mërive të vjetra të lidhura me profesionin e tij të vjetër.

Deri para disa vitesh ai ishte roje burgu në Shqipëri, pastaj dy vjet e gjysmë më parë iu bashkua gruas së tij në Fontaniva e cila punon si kujdestare.

Të fundit