U rrahën para një jave pas shitjes së apartamenteve dy herë, detaje për plagosjen në Tiranë

Detaje të reja kanë dalë në dritë nga përplasja më armë zjarrin mëngjesin e sotëm në rrugën "Ndre Mjeda” në Tiranë.

Mësohet se nga të shtënat kanë mbetur të plagosur 2 persona. Njëri prej të plagosurve është Klodian Gomina, kalimtar rastësor në rrugë, ndërsa tjetri, ortaku i kompanisë 'Star Construction', biznesmeni Sino Llanaj.

Sipas informacioneve, Llanaj është konfliktuar me Albert Allmuça për një pallat ku janë ortak. Shkak i konfliktit është bërë shitja e apartamenteve nga dy herë.

Burime për News 24 bëjnë me dije se dy pronarët Llanaj dhe Allmuça kishin rënë dakord për ndërtimin e objektit brenda vitit 2019, por kontrata mes tyre ishte prishur dhe objekti nuk është ndërtuar, duke sjellë probleme jo vetëm mes dy biznesmenëve, por edhe me banorët, që vijojnë të jetojnë me qira.
Vetëm katër ditë më parë ka pasur një konflikt fizik mes dy pronarëve dhe banorëve, të cilët kërkojnë ndërtimin e pallatit sipas kontratës.

Ndërkohë, ditën e sotme ka qenë investitori Sino Llanaj fillimisht në objekt, bashkë me disa shoqërues, dhe më pas ka shkuar edhe pronari Allmuça, edhe ai me disa persona të tjerë. Pas konfrontimit fizik, ka pasur të shtëna nga grupi Allmuça, ku është plagosur biznesmeni Llanaj dhe kalimtari.

Po ashtu, mëngjesin e sotëm edhe roja i objekti është goditur me sende të forta dhe ndodhet në spital jashtë rrezikut për jetën.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm