Flash News

Antonio Costa nuk ka një datë për anëtarësimin e Shqipërisë në BE

EMRI/ Goditi me grushte sekretarin e KZAZ-së në Kashar, shoqërohet në polici autori i dhunës

Vëzhguesi i Ornaldo Rakipit godet me grusht kryetarin e KZAZ në Kashar

Dokumenti/ PD i kërkon KQZ-së dokumentacionin e procesit të votimit nga diaspora

Ekstradohen nga Greqia dhe Italia 4 trafikantë dr*ge, ja dënimet ndaj tyre

E-TJERA

U shkarkua në shkurt/ Pas riemërimit, dorëhiqet nga detyra Drejtori Parkut të Divjakë-Karavastasë

Politiko 6 Korrik 2023, 21:49

U shkarkua në shkurt/ Pas riemërimit, dorëhiqet nga detyra

Drejtori i Parkut Kombëtar Divjakë-Karavasta, Ardian Koçi njoftoi dorëheqjen e parevokueshme pak muaj pas rikthimit të tij në detyrë.

Në shkurt të këtij vitit, Ardian Koçi u pushua nga puna pas një interviste për Zërin e Amerikës lidhur me turizmin natyror në Shqipëri dhe si shkak sipas Agjencisë ishte mos-marrja e lejes tek eprorët për intervistën.

Agjencia e anuloi urdhërin pas ndërhyrjes së Ministrisë së Turizmit dhe Mjedisit nga e cila varet dhe vetëm pak ditë më pas dhe zoti Koçi u rikthye në detyrë duke tërhequr një padi që kishte depozituar në gjykatën civile të Lushnjës.

Përmes një postimi në rrjetin social Facebook mbrëmjen e së mërkurës zoti Koçi thotë se “pas riemërimit në mars, ndodhi ajo që nuk mendoja, duke më detyruar të jap doreheqjen, e cila sipas tij nuk është një dorëheqje normale, por një "dorëheqje" e imponuar”.

“Personaliteti dhe profesionalizmi im nuk më lejon të punoj në këto kushte", thotë zoti Koçi duke publikuar edhe letrën e dorëheqjes drejtuar drejtoreshës së përgjithshme të Agjencisë Kombëtare të Zonave të Mbrojtura, Daniel Pirushi.

Në letër zoti Koçi përmend “mungesën e komunikimit “ me drejtoreshën e Përgjithshme, Daniel Pirushi dhe “ mungesën e kushteve normale për vazhdimin e ushtrimit të detyrës" dhe rendit disa nga arsyet e kësaj situate.

Sipas tij “stafi i Parkut është i paplotësuar, emërimet janë bërë pa marrë mendimin e parkut dhe janë bërë emërime të punonjësve larg zonave të mbrojtura dhe që nuk mund të kryejnë detyrat”.

Zoti Koçi flet edhe për vështirësi konkrete si “vonesa në zgjidhjen e problemeve që paraqiten, mungesë e theksuar të karburantit për mjetet, që nuk lejojnë kryejen e detyrave, mungesë uniformash”, etj.

Deri në publikimin e këtij shkrimi as Agjencia Kombëtare e Zonave të Mbrojtura dhe as Ministria e Turizmit dhe Mjedisit nuk iu përgjigjën interesimit të Zërit të Amerikës për një reagim mbi dorëheqjen e zotit Koçi dhe pretendimet e tij.

Parku Kombëtar Divjakë-Karavasta, me rreth 22 mijë ha, është zona më e rëndësishme komplekse e Shqipërisë për sa i përket biodiversitetit pasi ka përqëndrimin më të lartë të shpendëve ujorë me rreth 51 mijë individë ndërsa 89 specie të ndryshme i përkasin kategorive shumë të rrezikuara.

Tendenca e ndërtimeve, presioni turistik, por edhe zhvillimi i serave bujqësore pa kriter, përbëjnë një kërcënim për zonën natyrore të Parkut./ VOA

Të fundit