Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

U shkarkua nga KPK, gazetari: Andri Ymeri nuk justifikonte 3 mln lekë që babai i fitoi duke shitur mollë e qepë

Politiko 22 Dhjetor 2022, 14:29

U shkarkua nga KPK, gazetari: Andri Ymeri nuk justifikonte 3 mln lekë

Komisioni i Pavarur i Kualifikimit vendosi dje shkarkimin e gjyqtarit Andri Ymer pasi u përball me një raport negativme figurën e tij duke filluar nga fshehja e pasurisë te favorizimi në proceset gjyqësore.

Gazetari Adriatik Doçi ka ndarë në Facebook, foton e babait të gjyqtarit Andri Ymeri. Doçi shkruan krah fotos se pasuria prej 3 milionë lekë të vjetra për të cilën KPK gjykoi se nuk i justifikonte dot, janë të ardhura që babai i tij i ka fituar duke shitur mollë dhe qepë në rrugët e Shkodrës.

Doçi shkruan se KPK nuk ka mundur të gjejë justifikimin e pasurisë pasi asokohe nuk ekzistonte dokumentet e pagesës së taksës.

Postimi i gazetarit:

Ky që shihni në fotografi është babai i gjyqtarit të Shkodrës, Andri Ymeri, i shkarkuar dje nga detyra se pse i zhvillonte gjyqet shpejt dhe se pse kishte një nivel profesional dukshëm më të lartë se sa trupa gjykuese që po e gjykonte.

Gjatë kërkimit të gjilpërës në kashtë, trupa gjykuese konkludoi se Andri Ymeri nuk justifikonte 3 milionë lekë të vjetra të fituara nga babai duke shitur mollë dhe qepë në rrugët e Shkodrës, pasi nuk kishte dokumente të pagesës së taksave.

Ymerit i kaloi barra e provës se pse i kishte gjykuar çështjet e njohjes së pensionit të pleqërisë në një kohë rekord prej 5 ditësh, kur mund t'i zvarriste gjyqet siç ndodh zakonisht, ku për fituar të drejtën e pensionit, për shkak të djegies së arkivave në '97, gjyqi zgjat deri në 1 vit në shkallën e parë. (Dihet që në komunizëm të gjithë kanë punuar).

Njëra anëtare e Vetingut (Genta Bungo) që ka gjykuar dhe kaluar shokët e saj të klasës në Veting, i kërkoi llogari gjyqtarit se pse kishte udhëtuar me një avokat që i kishte përfaqësuar palë në proceset që kishte gjykuar, edhe pse pala e përfaqësuar nga avokati kishte dalë humbëse në shumicën e tyre.

Anëtarja tjetër, Pamela Qirko, e cila nuk ka dorëzuar listën e notave pasi nuk përmbush kriterin e mesatares mbi 8 për të qenë pjesë e KPK-së, i kërkoi llogari për profesionalizimin Andri Ymerit, me mesatare 9.7, ku ka dhënë 20 vendime me burgim të përjetshëm, si dhe nga 900 vendime gjatë karrierës, Apeli i ka rrëzuar vetëm disa prej tyre.

Anëtarja tjetër trupit gjykues, Firdes Shuli, ka fshehur shkarkimin nga detyra si kryegjyqtare, dhe është në kushtet e Luan Dacit.

E kam mbështetur dhe do ta mbështes Vetingut, kam ndjekur dhjetëra procese gjyqësore, por proces më degradues, paragjykues dhe me urrejtje të sëmurë, se sa procesi ndaj Andri Ymerit, nuk kam parë.