Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

U shpall në kërkim nga policia e Lezhës, flet Ramazan Rraja: Ngjarje e stisur, më nxirrni faktet

ezh1

Politiko 6 Dhjetor 2021, 15:00

U shpall në kërkim nga policia e Lezhës, flet Ramazan Rraja:

I shpallur në kërkim nga Policia e Lezhës, për ngjarjen e 13 Nëntorit ku disa persona të maskuar dhe të armatosur hynë brenda një lokali, Ramazan Rraja deklaroi se nuk ka asnjë lidhje me ngjarjen.

Në një bisedë telefonike me redaksinë e Balkan Web, Rraja shprehet se është një ngjarje e stisur nga policia. Ai shtoi se aktualisht ndodhet në Dubai prej muajit gusht të këtij viti dhe se hyrje-daljet e tij mund të verifikohen lirshëm.

“Është një ngjarje e stisur nga policia e prokuroria. të më nxjerrin një fakt apo provë, dhe jam gati të paraqitem para drejtësisë, të marr dënimin maksimal. Aktualisht ndodhem në Dubai, jetoj këtu prej gushtit të këtij viti. Nuk jam arratisur nga Shqipëria, hyrje daljet e mia mund të verifikohen lirshëm. Natën e ngjarjes që flet policia, për të cilën më ka ngritur akuzë, kam qenë në shtëpinë time, kam video e foto për këtë, dhe prokuroria e policia e dinë shumë mirë, sepse më kanë thënë telefoni im është në përgjim. E kanë kollaj për ta zgjidhur këtë çështje”, ka thënë Rraja.

Rraja apeloi që emri i xhaxhait të tij, deputetit të Partisë Socialiste Rrahman Rraja, të mos përmendet më.

“Sa i takon, xhaxhait tim deputet dua që mos të përmendet emri i tij, nuk kam asnjë lidhje me të, asnjë lloj kontakti. Ai është i zgjedhur i popullit, nuk dua të përfshihet në këtë ngjarje. Është një ngjarje e stisur, nga njerëz që policia e di shumë mirë. Nuk e kam idenë kush janë njerëzit në lokal, nuk kam qenë kurrë në atë fshat të Lezhës. Kam çuar avokatin tim në polici, të më japin qoftë edhe një provë të vetme, dhe jam i gatshëm të vi, i hipi avionit menjëherë dhe vi paraqitem para drejtësisë. Dikush ka akses shumë të fortë te policia e Lezhës, kundrejt rryshfetit terorrizojnë familjen time. Një e dy më nxjerrin emrin në media. Policia e prokuroria të bëjnë punën e tyre, të keni një provë e fakt, dhe jo gojëdhënat, nga goret e Kurbinit. Nuk kam konflikt me njeri, lëviz i qetë”, tha Ramazan Rraja.

Të fundit