U vetëhodh nga kati i 3 i Infektivit, dalin pamjet nga vendngjarja (FOTO)

Pamjet e publikuara në këtë artikull janë momentet e para nga vendi i ngjarjes, pasi një pacient me COVID-19 u hodh nga ballkoni i katit të 3 të Infektivit.

Fillimisht u raportua se 69-vjeçari me iniciale R.B. kishte ndërruar jetë, por që përmes një njoftimi zyrtar policia sqaroi se pacienti ndodhej nën kujdesin e mjekëve.

Nuk dihen detajet e plota të ngjarjes, mirëpo nga të dhënat paraprake bëhet me dije se 69-vjeçari ishte në terapi intensive, dhe se prej disa ditësh merrte mjekim në këtë spital.

Sikurse shihet në foto, efektivë policie, por edhe disa mjekë e infermierë kanë mbërritur menjëherë pas ngjarjes, duke shoqëruar me barrelë pacientin.

Policia po vijon në hetimet rreth ngjarjes.