Flash News

Dokumenti/ Benet Beci u mor i pandehur nga SPAK para zgjedhjeve

Maturanti 74-vjeçar merr diplomën e maturës, ja nota që mori në provimin e anglishtes

Federata Serbe zbulon stadiumin ku do të presë Shqipërinë më 11 tetor!

I mbijetoi tragjedisë ajrore, 40-vjeçari: Kur hapa sytë pashë trupa njerëzish gjithandej, më pas…

Matura Shtetërore 2025, publikohen notat e provimit të gjuhës së huaj

E-TJERA

“Ura” e drogës Durrës–Itali/ Bisedat në SKY zbulojnë rolin e Gertin Aliut, takimet me Gesin, Detin dhe urdhërat për heroinën

Politiko 23 Maj 2025, 17:30

“Ura” e drogës Durrës–Itali/ Bisedat në SKY

Dosja hetimore për operacionin “Ura” ka zbardhur detaje të reja tronditëse për një rrjet të sofistikuar trafiku ndërkombëtar droge me qendër në Shqipëri dhe degë në Itali. Në qendër të këtij rrjeti, përmes përgjimeve të komunikimeve në aplikacionin SKY ECC, del me rol aktiv shtetasi Gertin Aliu, i cili sipas Prokurorisë ka bashkëpunuar ngushtë me figura kyçe të organizatës kriminale, si Adi Çoba (alias Bazholi), Orges Molla (Gesi) dhe Ervis Deti (Visi).

“Kam një muhabet për të konsumuar” – Përgjimet që e fundosin Gertin Aliun
Në një sërë përgjimesh telefonike e ambientale të siguruara nga autoritetet shqiptare dhe italiane, dalin biseda të qarta për porositë e lëndës narkotike, mënyrën e transportit përmes linjës Durrës–Bari si dhe pagesat që kryheshin për ngarkesat. Në një prej këtyre bisedave, Gertin Aliu dëgjohet t’i thotë Ervis Detit:

“Masdite do vij të të takoj, se s’kam qenë në Durrës këto ditë… se kam një muhabet për të konsumuar.”
Biseda e datës 08.05.2022 tregon se Ervis Deti sapo ishte takuar me Gesin, dhe menjëherë më pas zhvilloi takim me Gertin Aliun në zonën e Vilës së Zogut. Të dhënat nga TIMS e konfirmojnë lëvizjen e Detit drejt Barit me traget më datë 08 maj 2022, ku qëndroi deri më 20 maj, periudhë gjatë së cilës u komunikua me Gertin Aliun për dorëzimin e lëndës narkotike në Itali.

Dosja: “Gesi është futur në lojë, jo më Spiro”
Një tjetër bisedë e regjistruar nga autoritetet italiane më 01.06.2022 në automjetin e Genci Telollarit, tregon se Gertin Aliu shprehet:

“Nuk është se nuk i kam paratë, por për herë të parë po sforcohem… Tani në lojë është futur Gesi, jo Spiro…”
Përgjimet nxjerrin gjithashtu biseda ku përmendet ngarkesa “1 me 4” dhe përmendje për ndërhyrje në banesën e kunatit të Gesit – një tjetër element kyç i rrjetit të trafikimit.

Dorëzimi i drogës dhe kontaktet në Itali
Në komunikimet që datojnë mes 10 dhe 13 maj 2022, periudhë kur Ervis Deti ndodhej në Itali, përmenden takime me persona “miq të përbashkët”, me qëllim final dorëzimin e drogës te persona ende të paidentifikuar jashtë territorit shqiptar. Aliu e udhëzon Visin për lëvizje dhe i referohet shpesh “zgjidhjes së punës” me njohje të ndërsjella.