Flash News

I kërkuar në Shqipëri për vrasje, arrestohet në Greqi Ardian Ahmetaj, shoku i Laert Haxhiut

Dita e dytë e “Giro d’Italia 2025”, rrugët që do bllokohen në Tiranë

Tre efektivë policie në Tiranë nën hetim për veprime arbitrare ndaj një të mituri

DW: Zgjedhjet parlamentare, provë vendimtare për në BE

Gazment Bardhi me akuza të forta: Terroristë elektoralë të Ballukut po blejnë vota në Fier

E-TJERA

Uragani “Milton” në SHBA, flet shqiptari nga Florida: Erërat ishin të fuqishëm, ka pemë të rrëzuara dhe përmbytje

Politiko 11 Tetor 2024, 16:27

Uragani “Milton” në SHBA, flet shqiptari nga Florida:
Uragani “Milton” ka goditur SHBA-në, e veçanërisht zonën e Floridës, duke lënë të vdekur deri tani 16 persona.

DUke folur për News 24 nga Amerika, shqiptari Endri Filipi ka treguar më shumë mbi fenomenin natyror që ka goditur SHBA-në. 

Filipi, që jeton në Tampa të Floridës, tha se janë mësuar me uragane, pasi kjo zonë preket shumë nga këto fenomene natyrore. Ai shtoi se kur ka ndodhur uragani, është larguar 4 orë larg nga shtëpia dhe se akoma nuk ka drita në pronën e tij. 

"Unë u largova 4 orë nga shtëpia, për shkak se nënën e kam të moshuar. Dritat kishin ikur edhe në banesën time. Edhe tani nuk kemi drita këtu e nuk dihet se kur do vijnë. Unë jetoj në Florida, kam jetuar këtu që më 2001. Jemi mësuar me uragane të tilla, por erërat ishin të fuqishëm. Kishte pemë të rrëzuara, si dhe përmbytje. Por, përmbytje ka pasur më shumë tek pjesa e plazhit. Urat që të çojnë në plazh janë mbyllur, që mos shkohet më andej.

Do pak kohë që të pastrohen rrugët dhe të vijë energjia. Shumica e pronave janë siguruar dhe kthehen paratë. Me çfarë kam dëgjuar, 16 persona kanë humbur jetën. Ka shumë shqiptarë në Florida, pasi është zonë e madhe. Me sa di, nuk ka shqiptar që të ketë pasoja në jetë nga uragani. Uragan i tillë nuk ishte parë në Tampa që prej 1992. Por, sidoqoftë Florida është zonë e bukur dhe nuk e ndërroj me asnjë vend", tha shqiptari. 

Të fundit