Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Urbanizimi i pakontrolluar"/ Mediat e huaja për erozionin në Shqipëri: Niveli i detit do të rritet me 105 cm, bunkerët nën ujë nga baticat

Politiko 5 Dhjetor 2021, 08:54

"Urbanizimi i pakontrolluar"/ Mediat e huaja për erozionin

Bunkerët e epokës komuniste të Shqipërisë ishin menduar të përballonin një sulm bërthamor, por dekada më vonë fortifikimet po gllabërohen nga deti, ndërsa vija bregdetare e vendit është goditur nga erozioni.

Kështu shkruajnë mediat e huaja, ndërsa shtojnë se brigjet e Shqipërisë janë ndër më të prekurat në Evropë nga erozioni, sipas ekspertëve, të cilët fajësojnë ndryshimin e klimës dhe urbanizimin e pakontrolluar.

Përgjatë brigjeve të Semanit në Shqipërinë qendrore, shumë nga bunkerët e ndërtuar nën drejtimin e ish-diktatorit Enver Hoxha, i cili i druhej pushtimit të afërt nga Shtetet e Bashkuara, Bashkimi Sovjetik dhe Kina etj, janë tani nën ujë.

Sipas vendasve, Adriatiku ka përparuar me 800 metra (gjysmë milje) në këtë zonë vetëm në tre dekadat e fundit. Në vitin 2009, autoritetet u mbështetën nisën heqjen e bunkerëve, por më shumë se një dekadë më vonë, ato janë nën ujë.

Sipas ekspertëve të ndryshimeve klimatike që punojnë për Programin e Kombeve të Bashkuara për Zhvillim (UNDP), më shumë se një e treta e vijës bregdetare të Shqipërisë prej 427 kilometrash (265 milje) ndikohet nga erozioni, me një shkallë prej afërsisht një deri në dy metra në vit.

Ekspertët argumentojnë se masat e ndërmarra vetëm sa e kanë përkeqësuar situatën. Për shkak të ndryshimeve klimatike, ekspertët parashikojnë se niveli i detit në Shqipëri do të rritet me 40 deri në 105 centimetra deri në vitin 2100, krahasuar me ndryshimet e regjistruara midis viteve 1986 dhe 2005.

Për t'i shtuar fatkeqësive të vendit, shpyllëzimi ka marrë gjithashtu një hov, ndërsa zhvillimi i pakontrolluar urban përgjatë bregdetit ka dëmtuar mbrojtjen natyrore të zonës.

Në malet e Shupalit pranë Tiranës, është e lehtë të shihet se erozioni i ka shkaktuar  shumë dëme, shumica nga shpyllëzimi dhe lumenjtë. Për të përballuar erozionin, mediat e huaja shkruajnë se autoritetet ndaluan prerjen e më shumë pemëve nga pyjet e zonës në vitin 2016.

Burimi: France 24

 

 

Të fundit