Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Vangjeli: Basha po bën 'heroin', falë opozitës, Rama do dredhë zinxhirin e mandatit të katërt

Politiko 2 Nëntor 2021, 09:41

Vangjeli: Basha po bën 'heroin', falë opozitës, Rama do

Disa ditë më parë, kreu i opozitës Lulzim Basha teksa mbante fjalim nga foltorja e Kuvendit, deklaroi se Rama, Meta dhe Berisha janë pjesë e një aleance të cilën ai i vendosi etiketën ‘Trekëndëshi i Bermudës’.

I ftuar në ABC Neës, analisti Lorenc Vangjeli e konsideroi deklaratën e Bashës si një mënyrë për të shpëtuar veten dhe për ta shpallur hero. Vangjeli tha se edhe vetë Basha është pjesë e atij të ashtuquajturi trekëndësh, si një boshllëk i tij.

Analisti shtoi se Basha është një gabim jo vetëm i opozitës, por edhe një rrugë që e ccon Ramën drejt mandatit të katërt.

“Në Tiranë ka pasur një tjetër lloj trekëndëshi, ka qenë një periudhë disa javore, gati-gati një muaj e gjysmë, ku në një trekëndësh nga kati i dytë i Kryeministrisë në katin e dytë të kryesisë së Kuvendit, Rama në zyrën e kryeministrit, çadra poshtë, dhe Meta në katin e dytë. Ishin tre personazhe që dilnin në dritare dhe secili ja kishte me hile tjetrit.

Meta i shkelte syrin Bashës, por Basha nuk i besonte. Rama i shikonte si armiq potencial dhe mendonte ti përçante dhe absurdin e jashtëzakonshëm të 2017, kur Bashës ju dha luga bosh e bashkëqeverisjes dhe sulmonte Metën dhe Rama ishte mbi kurriz dhe ja ku kemi të gjitha arsyet pse kishte mandat të dytë Rama. Shikoni si u soll opozita nga 2019 për të kuptuar përse Rama është në një mandat të dytë. Shikoni cfarë po bëjnë sot duke mos kuptuar gabimet e tyre për të gjetur arsye që Rama të dredhë zinxhirin e mandatit të katërt.

Në politikë ka vetëm interesa dhe gabimi i opozitës, shumë herë më i madh i Bashës dhe diçka më pak, por gjithsesi mëkat i Kryemadhit është që nuk arritën të krijonin këtë front për t’u përballuar me qeverisjen, shtoni këtu po të doni edhe presidentin, se distanca mes tyre ishte shumë më e madhe.

Mes dy vetave që zihen fiton i treti dhe Rama është kulmi i këtij trekëndëshi. Basha duke përmendur trekëndëshin e Bermudës tenton të heroizoi veten. Basha është pjesë e kësaj historie, e këtij trekëndëshi. Basha është në mes të këtij trekëndëshi dhe zakonisht në mes qëndron boshllëku. Është ky trekëndësh, por Basha është vrima në mes” tha Vangjeli.

 

Të fundit