Flash News

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

Alarmi i zjarreve në vend, 6 vatra ende aktive, si paraqitet situata deri tani

E-TJERA

Vapa mbush spitalet! Fluks pacientësh në QSUT, çfarë këshillojnë mjekët

Politiko 6 Korrik 2025, 13:26
Vapa mbush spitalet! Fluks pacientësh në QSUT, çfarë
Foto ilustruese

Temperaturat e larta që kanë përfshirë Europën dhe Shqipërinë gjatë ditëve të fundit po sjellin pasoja edhe për shëndetin e qytetarëve. Urgjenca e sëmundjeve të brendshme në QSUT po përballet me një rritje të ndjeshme të fluksit të pacientëve.

“Jemi me 300–350 raste në ditë, është rritur fluksi këto ditë,” u shpreh mjekja e urgjencës, Anduela Çuko, për Top Channel.

Sipas saj, shumë prej pacientëve paraqiten me gjendje të fikti, luhatje tensioni apo përkeqësim të sëmundjeve kronike, të nxitura nga vala e të nxehtit.

Meteorologët parashikojnë që temperaturat e larta do të vazhdojnë gjatë gjithë muajit korrik, ndaj mjekët këshillojnë kujdes të shtuar, veçanërisht për të moshuarit, pacientët me probleme kardiake, ata që kanë kaluar episode si hemorragji cerebrale, si dhe të sëmurët kronikë.

“Mos dilni pas orës 9 të mëngjesit dhe para orës 7 të mbrëmjes. Konsumoni mbi 1 litër ujë në ditë dhe konsultohuni me mjekun për çdo ndryshim të mundshëm në medikamente,” rekomandon mjekja Çuko.

Krahas fëmijëve të vegjël, mjekët theksojnë se edhe personat me sistem të dobësuar imunitar, ata që marrin trajtime intensive mjekësore apo që punojnë jashtë në temperatura të larta, janë më të rrezikuar nga vala e të nxehtit.

Për të përballuar më lehtë temperaturat, mjekët rekomandojnë ushqime të lehta, fruta dhe perime të freskëta, si dhe lëngje ku më i rëndësishmi mbetet uji i pijshëm.

Të fundit