Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Varhelyi sqaron ç’ndodh pas nisjes së negociatave: Në fillim të vitit të ardhshëm japim raportet e para

Politiko 19 Korrik 2022, 17:23

Varhelyi sqaron ç’ndodh pas nisjes së negociatave: Në

Komisioneri Evropian për Zgjerimin Oliver Varhelyi ka sqaruar se ku do të bazohet puna fillestare pas hapjes së negociatave.

Duke folur gjatë takimit të shqyrtimit analitik të legjislacionit, pas Konferencës së Parë Ndërqeveritare Shqipëri – BE, Varhelyi deklaroi se ky proces do të jetë i gjatë dhe se mund të fillojnë me dhënien e raporteve të para të shqyrtimit në tremujorin e parë të vitit të ardhshëm.

Varhelyi: Ky proces që ne e fillojmë sot është hapi i parë i anëtarësimit dhe ne duam të ecim në mënyrë graduale. Ky sistem është një nga elementet kryesorë. Duam të fillojmë punën, jo nga fillimi sepse shumë punë I kemi kryer vitet e kaluara dhe në viteve 2018-2019. Gjatë viteve të kaluara kemi dhënë këshillim mbi financat dhe legjislacionin e BE-së.

I kemi vënë fokusin edhe reformave. Ju falënderojmë për atë që keni bërë në të kaluarën për rrugën tuaj drejt BE-së. Ky proces është një mundësi shumë e mirë për ju që të bëni një vetëvlerësim me politikat e legjislacionit për të parë se sa afër jeni me standartet e BE-së.

Mezi pres edhe dialogun bilateral që do të jetë thelbi i bisedimeve tona, ku do të hartojmë edhe raportin e shqyrtimin për mënyrën se si do i bëjmë këto negociata me ju. Do të kemi një punë shumë intensive duke filluar nga grupet kryesore si nga komisioni edhe nga administratat tuaja. Në mënyrë që administratat të jenë të përgatitur, ju inkurajoj të koordinoheni me pjesëmarrjen tuaj. Do të jemi përkrah jush dhe do ju mbështesim në çdo nevojë që do të keni. Shqyrtimi do na ndihmojë për tu përqendruar në çështje që kanë vërtet rëndësi, për shembull cilësinë e ajrit që thithim, ushqimet që hamë, ujin që pimë.

Këto janë shembuj elemetar. E gjitha kjo do të vazhdojë e do të kemi investime në sektorë të ndryshëm të tregtisë. Do të kemi mundësi për bizneset. Procesi i anëtarësimit do të shihet si një program reforme ambicioze.

 

Të fundit